1 Samuel 30:6 - Holy Bible Nigerian Pidgin English

⁶ David vex well-well, bikos en men dey tink for dia mind sey make dem stone am. Each man dey kry for en pikin. But di Oga God kon give David strong mind.

1 Samuel 30:6 Iomraidhean Croise

Jenesis 32:7

Den Jakob kon dey fear and en mind nor setol. E divide both di pipol wey dey with am and di animals into two group,

2 Samuel 17:8

Yu know sey, David yor papa and en men strong well-well for fight, like bear for bush wey dey find en pikin. Yor papa na soja wey get sense and e nor dey stay with en men for nite.

2 Kings 4:27

Wen di woman waka meet di profet on-top di mountin, e kon fall hold am for leg. Gehazi won kon porshu am komot, but di profet sey, “Leave am, dis woman dey pass thru pain and God nor let mi know before naw.”

Job 13:15

Even if E kill mi, I go still dey bilive am; I go still tell am wetin dey do mi!

Psalms 116:10

I get faith wen I sey, “My God, I bilive Yu, even doh my mind really dey trobol mi.”

Psalms 138:3

Wen I pray, na wons Yu dey ansa mi! Yu enkourage mi kon give mi strent.

Psalms 18:2

Na God bi di rock wey dey protet mi. Na-im dey guide mi and na-im bi di pawa wey dey save mi and I dey save inside am.

Psalms 18:6

But inside my trobol, I kry to God. Yes! I pray to my God make E kom help mi and E hear mi from en temple, bikos my kry rish en ear.

Psalms 25:17

My problems dey worse evriday. So, make Yu save mi from wahala!

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 31:24

So evribody wey put dia trust for God hand, make una nor fear, instead make una get strong mind!

Psalms 42:11

Wetin make mi nor get hope? Wetin make my heart nor dey happy at-all? But I go still put my hope for God hand! I go still dey praiz am, bikos na-im bi my Savior and God!

Psalms 42:5

But wetin make mi nor get mind? Wetin make my heart nor happy at-all? I go put my hope for God hand! I go praiz am again, bikos na-im bi my Savior and my God!

Psalms 42:7

I dey hear and si as wave for sea dey jam demsef! Yor wave and breeze dey make my heart shake.

Psalms 56:11

I trust God well-well, so wetin go make mi dey fear? Wetin ordinary human being go fit do mi?

Psalms 62:1

I dey kwayet dey wait, bikos na God dey diliver mi.

Psalms 62:5

But my soul and body dey kwayet dey wait for God, bikos na-im dey make my heart strong.

Psalms 71:4

My God, save mi from wiked pipol pawa and from doz wey dey opress mi,

Psalms 71:5

bikos na only Yu bi my hope and na from wen I bi small pikin, I don dey trust Yu kom rish naw.

Exodus 17:4

Den Moses kry to God, “Wetin I go do with dis pipol? Bikos if e worse pass like dis, di pipol go stone mi die!”

Proverbs 18:10

God name na strong place to hide put, raitious pipol dey run enter and dem dey-dey save.

Isaya 25:4

bikos na Yu dey protet poor pipol and doz wey nor get anytin. Yu dey protet dem from rain kon kover dem from hot sun, bikos di way wiked pipol dey bihave, bi like heavy rain wey dey fall.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Jonah 2:2

E sey, “I kry give Yu wen I dey wahala and Yu ansa mi. Naw, I dey kry to Yu from where dead body dey, so make Yu go kom help mi and hear my prayers.

Nombas 14:10

But di pipol kon dey plan to stone Joshua and Kaleb. Den God lite kon appear to Israel pipol for di Tabanako.

Matiu 21:9

Pipol wey dey go for Jesus front and dem wey dey follow am for back kon dey shaut, “Praiz David Pikin! Di pesin wey kom with God name, God go bless am! Make wi praiz God wey dey heaven!”

Matiu 27:22

So, Pilate kon still ask dem, “Den wetin I go do with Jesus wey dem dey koll Christ?” All of dem kon ansa, “Nail am for cross!”

John 8:59

Den, dem kon pick stone won stone am, but Jesus hide kon komot from di temple aria.

Romans 4:18

Even wen tins hard, Abraham still bilive God and e hope sey God go do am, even wen e bi like sey nor-tin go happen. But naw, e don bikom, “Papa for many nashons.” Just as God tell am, “Yor shidren go many like di stars wey dey heaven.”

Romans 4:20

e nor doubt God promise. En faith make am strong and e tank God for evritin.

Romans 8:31

Wetin wi go tok about all dis tins? If God dey for awa side, who go fit dey against us?

2 Korintians 1:6

If wi sofa, na for una good and salvashon; if wi dey okay, den una go fit bear di kind sofa wey wi bear.

2 Korintians 4:8

Wi dey face wahala for difren korna, but awa body nor skata; wi dey konfuse sometaim, but wi nor dey luz hope,

2 Korintians 7:5

Even wen wi enter Masidonia, wi nor rest at-all, but dem trobol us from difren korna; wahala for outside, fear for inside.

Hibru 13:6

So make wi get mind wey go make us fit sey, “Na God bi my helpa, so wi nor go fear. Wetin human being go fit do us?”

Judges 18:25

So Dan men tell am, “Mind wetin yu dey tok! Unless yu wont make all dis men attack kon kill yu and yor family.”

Judges 20:22

Israel pipol enkourage each oda kon stay for di same place where dem for fight before.

1 Samuel 1:10

Hannah nor dey happy as e dey pray give God, so e kon dey kry.

1 Samuel 23:16

Den Saul pikin Jonatan go meet David for Horesh kon tell am, “God go always guide yu.”

1 Samuel 28:15

Samuel kon tell Saul, “Wetin make yu dey disturb mi? Wetin make yu koll mi kom back?” Saul ansa, “I dey for big wahala! Filistia pipol dey fight mi and God nor dey ansa mi again. E nor dey listin to mi or tok to mi thru profet or dream. So I kon koll yu, so dat yu go tell mi wetin I go do.”