1 Samuel 16:18 - Holy Bible Nigerian Pidgin English

¹⁸ One of en savant kon sey, “I don si one of Jesse pikin wey dey Betlehem wey know how to play di jita. E dey strong and e get mind; e know book and e fine well-well, bikos God dey with am.”

1 Samuel 16:18 Iomraidhean Croise

Jenesis 39:2

God dey with Josef and evritin dey betta for am, even as e dey for en Egypt oga house.

Jenesis 39:23

Di pesin wey dey guide di prison nor kare about anytin wey dem sey make Josef do or look afta, bikos God dey with Josef. Anytin wey e do, God dey make am susid.

2 Samuel 14:20

But e do am to take solve dis problem. My king get sense like angel and e know evritin wey dey happen.”

2 Samuel 17:10

Den all di men wey dey strong like lion go dey fear, bikos evribody for Israel know sey yor papa na great soja and en men dey fight well-well.

2 Samuel 17:8

Yu know sey, David yor papa and en men strong well-well for fight, like bear for bush wey dey find en pikin. Yor papa na soja wey get sense and e nor dey stay with en men for nite.

Proverbs 12:8

Dem dey praiz pesin wey get sense, but nobody dey respet wiked pesin.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Matiu 28:20

dey tish dem to do evritin wey I tish una. I go always dey with una until di world go end.”

1 Samuel 10:7

Wen dis signs don happen, make yu do anytin wey yu fit do, bikos God go dey with yu.

1 Samuel 16:12

So Jesse send for am. Di boy fine well-well, e strong and get fine eyes. God kon tell Samuel, “Na en bi dis! Make yu go anoint am!”

1 Samuel 16:17

So Saul tell en savants, “Make una fine one man wey sabi play di jita kom meet mi.”

1 Samuel 16:19

So Saul kon send pipol go meet Jesse sey, “David, yor pikin wey dey kare for di sheep, make yu send am kom meet mi.”

1 Samuel 17:12

Naw, David na one Efrat man pikin and di man kom from Betlehem for Judah and en name na Jesse. Di man get eight boys and wen Saul dey rule, di man don old well-well.

1 Samuel 3:19

Samuel kon dey grow and God dey with am. Anytin wey e tok, must happen.