1 Samuel 12:3 - Holy Bible Nigerian Pidgin English

³ Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”

1 Samuel 12:3 Iomraidhean Croise

2 Samuel 22:22

I don obey God law; I neva turn from my God before.

Nehemaya 5:11

Make una kancel all di debt wey dem dey owe una; weda na money, korn, wine or olive oil kon give dem back dia vineyards, farms, olive farm and house!”

Psalms 15:5

Some pipol dey borrow money give odas without intrest and dem nor dey kollect bribe to lie for pesin head. Di pipol wey dey do dis kind tins, go stand gidigba forever.

Exodus 20:17

Make una nor get long-trot for una neighbour propaty; en wife, savants, melu, donkey or anytin wey bi en own.”

Exodus 22:4

If dem si wetin e tif for en hand; weda na melu, donkey or sheep and di animal neva die, di tif must pay doubol.

Exodus 23:8

“Make una nor take bribe, bikos bribe dey blind pesin eye and spoil good pipol.

Proverbs 15:27

Long-trot dey kill pesin family finish, but doz wey hate bribe, go get long life.

Levitikus 6:4

If any man kommit dis kind sin, evritin wey e get thru wayo or lie-lie, e go must riton dem.

Levitikus 6:5

Di day wey e dey riton dem, e go pay di owner komplete money kon add twenty percent join am.

Nombas 16:15

Moses vex well-well kon tell God, “Make Yu nor asept dia ofrin. I nor tif dia animal or do any bad tin against dem.”

Matiu 22:21

Dem ansa, “Na Caesar own.” Jesus kon tell dem, “Den, make una give Caesar wetin bi Caesar own and give God, wetin bi God own.”

Luke 19:8

But Zakius stop kon tell Jesus, “Oga God si, I go give half of wetin I get to poor pipol and evribody wey I don shit before, I go pay am back four times!”

Acts 20:33

Since una know mi, I nor put eye for anybody gold, silva or koat.

2 Korintians 12:14

Si, for di third time, I don ready to kom visit una and I nor go put my load for una head, bikos na una I wont and nor bi wetin una get. Nor bi pikin suppose pay for dia papa and mama food, but na papa and mama, dey pay for dia pikin food.

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

1 Tesalonians 2:10

As wi dey live with una wey bilive Christ, una and God na awa witness sey, wi dey holy and dey do good tins for God eye without fault.

1 Tesalonians 2:5

As una know, wi nor ever try to win una with sweet words. And God na awa witness sey wi nor dey pritend to bi una friends bikos of una money.

1 Pita 5:2

Make una kare for di sheep wey God give una whole, just as shepad dey kare for dia sheep. Make e nor bi like sey dem force una do am, but na as God wont am. Una nor dey do am bikos of money, but na bikos una won do am.

1 Samuel 10:1

Den Samuel take one kontaina wey get olive oil kon pour am for Saul head. Samuel kiss am kon sey, “God don choose yu make yu lead en pipol, Israel! Yu go rule and diliver dem from dia enemies wey dey round dem. Dis go bi di sign sey God don choose yu as leader ova en propaty.

1 Samuel 12:4

Di pipol ansa, “Yu neva do us wrong or opress us. Yu neva take anytin from anybody hand.”

1 Samuel 12:5

Samuel kon tell dem, “God and di king wey E choose na witness sey una neva akuiz mi for any bad tin.” Di pipol ansa, “Yes! Dem bi witness!”

1 Samuel 2:35

Den I go choose one priest wey dey loyal. E go do wetin dey inside my heart and soul. I go gi-am shidren wey go always dey serve for front of di one wey I choose.

1 Samuel 24:11

My papa, si yor klot korna for my hand. Wen I kut am komot, I nor kill yu. So make yu know and undastand sey I nor dey plan to kill or fight against yu.

1 Samuel 24:6

so e kon tell en men, “Make God nor let mi do bad tin to my oga, di king wey E choose. Afta all, na God choose am.”

1 Samuel 24:7

David beg en men with di words wey e tok, so dem nor kon do King Saul anytin. But wen Saul don komot from di rock kon bigin go,

1 Samuel 26:11

God forbid sey I kill di pesin wey E choose with en hand.” David kon tell Abishai, “Take en spear and en wota pot make wi komot from here!”

1 Samuel 26:9

But David ansa, “Nor kill-am! Na who go happy sey e kill di pesin wey God ensef choose?”