1 Samuel 10:21 - Holy Bible Nigerian Pidgin English

²¹ Den e bring Benjamin tribe akordin to family and na Matri family dem choose. At last, dem kon choose Kish pikin wey en name na Saul wen dem trow di dice. But wen dem look for am, dem nor si am.

1 Samuel 10:21 Iomraidhean Croise

2 Samuel 3:19

Abner still tok to Benjamin tribe kon go Hebron go tell David wetin Benjamin and Israel pipol agri to do.

Proverbs 18:18

If men wey get pawa dey tok against each oda for kourt, to trow dice fit solve di matter.

Jonah 1:7

So di sailors kon sey, “Make wi trow dice take know di pesin wey dey kause dis wahala for us.” So dem trow dice and e kon show sey na Jonah dey kause am.

Acts 13:21

Di pipol kon ask for king and God give dem Saul, wey bi Kish pikin, wey kom from Benjamin tribe and e rule dem for forty years.

1 Samuel 10:20

Den Samuel bring all di tribe for Israel and dem kon trow dice take choose Benjamin tribe.

1 Samuel 10:22

So dem kon ask God again sey, “Di man don rish here?” God ansa, “E hide ensef for back of di tins wey dem dey supply.”

1 Samuel 9:2

E get one pikin, en name na Saul and e fine well-well. E nor get anybody for Israel wey fine rish am and e tall pass evribody for Israel.