Lukas 15:18 - Beibel na Papiamentu Koriente 2013

¹⁸ Mi ta bai bèk serka mi tata, i mi ta bis'é: Tata, mi a peka kontra Dios i kontra bo.

Papiamentu Bible 2013

¹⁸ Mi ta bai bèk serka mi tata, i mi ta bis'é: Tata, mi a peka kontra Dios i kontra bo.

Lukas 15:18 Iomraidhean Croise

2 Krónikanan 33:19

E orashon ku Manase a resa, kon Dios a skuch'é, tur su echonan pekaminoso, su infieldat, e lugánan kaminda el a lanta e palunan sagrado i e imágennan promé ku el a kombertí, tur ta skibí den historia di Hozai.

Salmo 25:11

Fiel na bo nòmber, SEÑOR, pordoná mi mi kulpa, e ta grandi.

Proverbionan 23:13

No keda sin koregí un mucha, e n' ta muri si bo sut'é;

Isaías 63:16

Tòg n' t'Abo ta nos Tata? Abraham a lubidá nos, pa Yakob nos ta hende strañero. Abo, SEÑOR, ta nos Tata, bo nòmber ta: ‘Nos Libertador fo'i Tempu Bieu’.

Yeremías 3:19

SEÑOR di su parti a bisa: ‘Kuantu gana Mi n' tabatin di duna bo e lugá di honor den mi yu hòmbernan i tambe un pais fantástiko, e patrimonio di mas bunita na mundu! M'a kere ku bo ta yama Mi “Mi Tata” i ku bo no ta bira lomba nunka mas pa Mi.

Yeremías 31:20

Efraim mester ta un yu mashá stimá di Mi, un yu di mi kurason, ku ki ora ku Mi tin ku skual e, Mi ta keda kòrd'é apesar di esei i mi hemut ta yena: Mi no por hasi otro kos ku tene piedat di dje,’ asina SEÑOR ta bisa.

Lamentashonnan 3:29

E por bien bùig i pone su boka na suela: por tin speransa ainda.

Lamentashonnan 3:40

Ban saminá nos manera di aktua i bolbe serka SEÑOR!

Daniel 4:26

E òrdu pa laga e tronkon keda pará den tera, ta nifiká ku lo bo bolbe bira rei, asina bo rekonosé ku Dios di shelu ta Esun ku ta manda.

Yonas 2:4

I ami, mi a bisa: “Bo a kore ku mi for di bo bista. Lo mi bolbe weta bo tèmpel santu un dia?”

Yonas 3:9

Podisé Dios por haña duele, kambia di idea i lubidá su rabia, i lo nos keda na bida.’

Mateo 3:6

Nan tabata konfesá públikamente loke nan a hasi malu i e tabata batisá nan den riu di Yordan.

Mateo 6:14

Si boso pordoná hende nan faltanan, boso Tata ku ta den shelu tambe lo pordoná boso.

Mateo 6:9

Resa antó di e forma akí: Nos Tata, ku ta na shelu, bo nòmber sea santifiká;

Mateo 7:11

Ke men, si asta boso ku ta mal hende sa di duna boso yunan kos bon, kuantu mas antó boso Tata den shelu lo no duna kos bon na esnan ku pidiÉ?

Lukas 11:2

Hesus a bisa nan: ‘Ora boso ta resa, bisa: Tata, bo nòmber sea santifiká; laga bo reino bini.

Lukas 15:17

E ora ei, el a bini bei i bisa: “Hopi trahadó di mi tata tin kuminda na abundansia, anto ami ta muri di hamber aki!

Lukas 15:19

Mi no ta digno mas di ta bo yu; trata mi manera un di bo trahadónan.”

Lukas 15:21

E yu a bisa su tata: “Tata, mi a peka kontra Dios i kontra bo. Mi no ta digno mas di ta bo yu.”

Lukas 18:13

Ma e kobradó di belasting a keda pará na un distansia i no a ni hisa kara na shelu. El a bati riba su pechu komo señal di arepentimentu i bisa: “Señor, tene mizerikòrdia ku mi, un hende pekadó!”