Génesis 1:16 - Beibel na Papiamentu Koriente 2013

¹⁶ Dios a traha dos lus grandi, pa esun di mas grandi goberná den dia i esun di mas chikitu goberná anochi. Tambe El a traha streanan.

Papiamentu Bible 2013

¹⁶ Dios a traha dos lus grandi, pa esun di mas grandi goberná den dia i esun di mas chikitu goberná anochi. Tambe El a traha streanan.

Génesis 1:16 Iomraidhean Croise

Job 31:26

si mi a wak solo bria, luna move mahestuosamente den tur su splendor

Job 38:7

miéntras streanan di mardugá tabata forma koro i henter korte selestial tabata kanta di húbilo?

Salmo 148:3

Alab'É, solo i luna, alab'É, boso streanan briante!

Salmo 148:5

Laga nan alabá SEÑOR su nòmber, ya ku tur ta kreá pa su palabra.

Salmo 19:6

Solo ta sali na un punta di shelu, kaba ta dal su buèlta te na e otro: nada no por skapa su kalor.

Salmo 74:16

Dia ta di Bo, anochi ta di Bo, t'Abo ta Esun ku a duna luna i solo nan lugá.

Salmo 8:3

Mirando bo shelu, trabou di bo dedenan, luna i streanan ku Bo a fiha ayá,

Isaías 13:10

Streanan i konstelashonnan di shelu ta stòp di duna klaridat, solo ta sali skur i luna lo no bria mas.

Isaías 24:23

Luna blek ta bira kòrá di bèrgwensa, solo radiante ta pèrdè koló pa e skandal, pasobra SEÑOR soberano lo reina riba seru di Sion i na Herusalèm. Su gloria lo resplandesé den bista dje ansianonan di pueblo.

Isaías 40:26

Hisa kara i wak shelu: ken a krea tur esei? T'Esun ku ta laga henter e ehérsito di strea marcha bini dilanti i ta yama nan un pa un na nan nòmber. E tin dje tantu poder ei dje inmenso su forsa ta ku niun di nan no ta keda sin presentá.

Isaías 45:7

Mi ta forma lus, Mi ta krea skuridat, Mi ta trese prosperidat i okashoná desaster. Ta Ami, SEÑOR, ta hasi tur esei.

Yeremías 31:35

SEÑOR a destiná solo pa duna klaridat den dia i pa duna klaridat anochi El a pone luna i streanan. SEÑOR ta lanta laman, di manera ku su olanan ta sulfurá; SEÑOR soberano, asina E yama. T'E ta deklará:

Habakuk 3:11

Solo i luna ta keda skondí mirando e refleho briante di bo flechanan i e welek ku ta kòrta fo'i bo lansa.

Mateo 24:29

Mesora despues di e dianan di e gran mizeria ei, skuridat lo tapa solo, i luna lo no bria mas, strea lo kai for di shelu, i e podernan selestial lo tambaliá.

Mateo 27:45

For di diesdos or te tres or, skuridat a tapa henter e pais.

1 Korintionan 15:41

Solo no ta bria manera luna òf strea i asta entre e streanan tin diferensia den splendor.

Deuteronomio 4:19

Ora boso hisa kara wak shelu i boso mira tur e astronan: solo, luna i strea, no kai den pèrdishon hinka rudia adorá nan, pasobra SEÑOR, boso Dios, a duna nan na tur nashon di mundu.

Revelashon 21:23

E siudat no tin mester di lus di solo, ni di luna, pasobra splendor di Dios ta ilumin'é i e Lamchi ta su lampi.