Éksodo 18:23 - Beibel na Papiamentu Koriente 2013

²³ Si bo hasi asin'akí i Dios ta di akuerdo, abo por keda riba pia i tur hende lo bai kas satisfecho.’

Papiamentu Bible 2013

²³ Si bo hasi asin'akí i Dios ta di akuerdo, abo por keda riba pia i tur hende lo bai kas satisfecho.’

Éksodo 18:23 Iomraidhean Croise

Génesis 18:33

Ora SEÑOR a kaba di papia ku Abraham, El a bai i Abraham a regresá su tènt.

Génesis 30:25

Despues di nasementu di Jozef, Yakob a bisa Laban: ‘Laga mi bai mi mes tera bèk awor.

2 Samuel 18:3

Pero nan a kontestá: ‘Rei no mester bai ku nos, pasobra, si por si akaso nos mester hui, lo no importá nan. Sí, te na ora mitar di nos muri nan no tin kunes; ta rei nan ta buska, pasobra pa nán rei tin mes tantu balor ku 10.000 di nos. P'esei mihó rei keda den siudat i bin yuda nos fo'i djei.’

2 Samuel 19:39

Tur hende a krusa Yordan. Rei tambe. Despues rei a brasa Barzilai i dese'é tur kos bon i Barzilai a bai kas bèk.

2 Samuel 21:17

Pero Abishai, yu di Seruya, a kore bin yuda David i el a dal e filisteo mata. E ora ei e hòmbernan di David a hur'é: ‘Bo no ta bai bataya mas ku nos, pasobra abo ta e lampi di Israel i esei no mag paga.’

Éksodo 16:29

Kòrda ku Ami, SEÑOR, a duna boso e dia di sabat, p'esei riba e di seis dia Mi ta duna boso kuminda pa dos dia. E di shete dia tur hende mester keda kaminda e ta, niun hende no mester sali for di kampamentu.’

Éksodo 18:18

Bo ta kaba ku bo mes i bo ta eksigí muchu di e pueblo ku ta bini serka bo. E trabou akí ta muchu pisá pa bo, bo so no por hasié.

Éksodo 18:22

Nan por sòru pa e huisionan di tur ora. Nan ta enkargá bo ku e kasonan pisá i nan mes ta atendé e kasonan chikitu. Asin'ei bo ta laga nan karga parti di responsabilidat di manera ku ta bira mas fásil pa bo.

Éksodo 18:24

Moises a sigui konseho di su suegu; el a hasi tur kos manera proponé.

Echonan 15:2

Pablo i Barnabas tabatin opheshon fuerte i nan a ataká loke e hendenan ei tabata bisa. E ora ei a apuntá Pablo, Barnabas i algun otro hende di e grupo pa bai Herusalèm serka e apòstelnan i e ansianonan i presentá e punto di diskushon akí na nan.

Galatanan 2:2

Mi a bai pasobra Dios a indiká mi esei. I den un reunion privá ku esnan konsiderá kabes di iglesia na Herusalèm, mi a splika kontenido di e bon notisia ku mi ta prediká na esnan no hudiu. Mi a hasi esei pa mi sa si mi trabou, sea den pasado òf presente, no ta enbano.

1 Samuel 8:22

SEÑOR a rospondé: ‘Kumpli ku nan petishon i duna nan un rei.’ E ora ei Samuel a manda tur israelita nan mes siudat bèk.