Wahyu 3:4 - Perjanjian Baru Bahasa Melayu Maluku Utara

⁴ Tapi ada babarapa orang di Sardis yang dorang pe hidup bersi pa Tuhan Allah pe muka, dorang itu sama deng orang yang jaga dong pe baju la jang kotor. Kong dorang itu nanti akan bajalang sama-sama deng Kita pake baju puti, karna dorang memang pantas bajalang sama-sama deng Kita.

Wahyu 3:4 Iomraidhean Croise

Matius 10:11

Kalu ngoni maso di kota atau di kampong satu, ngoni cari orang yang mau tarima pa ngoni, kong tinggal suda deng dia sampe ngoni kaluar dari daera itu.

Markus 16:5

Waktu dorang maso dalam kubur goa, dorang kage skali, barang dorang dapa lia ada nyong-nyong satu pake juba puti dudu di sabla kanan.

Lukas 20:35

Tapi orang-orang yang Tuhan Allah anggap pantas untuk hidup di sorga, dorang itu nanti Dia mo kase hidup ulang, deng dorang itu so tara kawing lagi.

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

2 Tesalonika 1:5

Waktu torang dengar ngoni pe kabar bagitu, torang tau, samua yang Tuhan Allah biking itu adil. Ngoni skarang dapa siksa karna percaya pa Tuhan, tapi ngoni tetap percaya pa Dia. Jadi ngoni pantas jadi Tuhan Allah pe umat yang Dia Berkuasa sebagai Raja pa ngoni pe hidup.

Yudas 1:23

Ngoni me musti tolong pa orang-orang yang mo dapa hukuman dari Tuhan supaya dorang bole slamat. Ngoni biking bagitu sama deng ngoni so hela pa dorang kaluar dari api. Kase tunju ngoni pe rasa kasiang pa orang-orang berdosa, tapi ngoni musti ati-ati supaya ngoni tara iko biking dosa sama deng dorang. Dosa yang ada pa dong pe diri itu ngoni binci sama deng ngoni tara suka lia pakeang kotor.

Wahyu 1:11

Suara itu bilang pa kita bagini, “Yohanes, tulis suda samua yang Kita mo kase tunju pa ngana ini di satu kitab, kong kirim di tuju jemaat ini: jemaat di kota Efesus, kota Smirna, kota Pergamus, kota Tiatira, kota Sardis, kota Filadelfia deng di kota Laodikia.”

Wahyu 11:13

Waktu itu suda, ada tana goyang pe kuat skali. Kalu mo bagi kota itu dalam spulu bagian, satu bagian yang ancor. Deng tuju ribu orang mati karna tana goyang itu. Orang-orang yang tara mati karna tana goyang itu, dorang jadi tako skali kong dorang puji deng hormat pa Tuhan Allah yang di sorga.

Wahyu 14:4

Dorang itu pe hidup bersi pa Tuhan Allah pe muka, itu sama deng laki-laki yang tara perna tidor deng parampuang. Dorang itu jaga iko pa Anak Domba itu di mana saja Dia pigi. Tuhan Allah so tebus pa dorang kamuka dari samua orang, jadi dorang itu so jadi sama deng korban persembahan yang pertama untuk Tuhan Allah deng Anak Domba.

Wahyu 19:14

Samua tentara sorga me ada nae kuda puti iko pa Dia. Dorang samua ada pake baju puti dari kaeng alus yang bagus, yang orang jaga bilang kaeng lenan.

Wahyu 19:8

Tuhan Allah so kase pa dia pakeang pengantin parampuang yang bagus warna puti mangkilat dari kaeng alus.” (Pakeang pengantin bagus itu, dia pe arti kalakuang yang butul yang orang-orang yang so jadi Tuhan Allah pe umat jaga biking).

Wahyu 3:18

Jadi Kita kase nasehat pa ngoni bagini: Kita so ada barang yang berharga sama deng mas yang dapa bakar di api supaya jadi murni, jadi ngoni musti bili suda supaya Kita lia ngoni butul-butul kaya pa Kita pe muka. Kita me ada baju puti bersi, ngoni musti bili kong pake la Kita lia ngoni tara talanjang lagi yang biking ngoni jadi malu. Kita me ada obat mata yang kase sembu mata. Jadi ngoni musti bili suda obat itu pa Kita la ngoni bisa lia butul-butul.

Wahyu 3:5

Orang yang menang dari pengaru jahat, dorang akan pake baju puti itu. Kita tara mo hapus dorang itu pe nama dari buku kehidupan. Buku itu yang ada tulis nama-nama orang yang hidup deng Kita slama-lamanya. Nanti waktu Kita badiri di Kita pe Bapa deng Dia pe malaekat-malaekat pe muka, Kita mo bilang dorang ini memang iko pa Kita.

Wahyu 4:4

Ada lagi dua pulu ampa kursi raja laeng yang kuliling kursi raja itu. Di dua pulu ampa kursi raja itu, dua pulu ampa pemimpin ada dudu. Dorang pake baju puti kong di dorang pe kapala ada makota mas.

Wahyu 6:11

Abis itu, samua orang mati itu pe roh masing-masing tarima dong pe juba puti, kong ada yang bilang pa dorang, supaya tunggu sadiki karna dong pe jumla bolong genap. Barang, masi ada lagi dong pe sudara-sudara yang percaya, deng orang laeng yang jaga biking apa yang Tuhan suru yang nanti mo mati dapa bunu sama deng dorang itu. Waktu itu, baru dong pe jumla jadi genap, kong Tuhan mo hukum pa orang-orang di dunia.

Wahyu 7:9

Abis itu, kita lia ada orang pe banya skali, sampe tara mampo mo rekeng pa dorang. Dorang itu dari samua bangsa, suku bangsa, fam deng bahasa. Dorang samua badiri di muka Tuhan Allah pe kursi raja deng di muka Anak Domba itu. Dorang pake juba puti deng masing-masing orang ada pegang daong-daong palem.