Lukas 9:51 - Perjanjian Baru Bahasa Melayu Maluku Utara

⁵¹ Yesus pe waktu untuk taangka di sorga so dekat, jadi Dia ambe keputusan, musti pigi di kota Yerusalem.

Lukas 9:51 Iomraidhean Croise

Markus 16:19

Abis Tuhan Yesus bicara pa Dia pe murit-murit, Dia taangka ka sorga, kong dudu di tampa yang terhormat pa Tuhan Allah pe sabla kanan.

Lukas 12:50

Tapi masi ada lagi sengsara yang akan Kita mo dapa, kong Kita pe hati tara tenang sebelum sengsara itu Kita dapa.

Lukas 13:22

Abis itu, Yesus kase turus Dia pe perjalanan ka Yerusalem. Dia bajalang bakuliling di kota-kota deng di kampong-kampong, Dia me mangajar pa orang-orang di tampa-tampa itu.

Lukas 17:11

Waktu Yesus pigi di kota Yerusalem, Dia iko batas tana daera Samaria deng daera Galilea.

Lukas 18:31

Yesus kase kumpul pa Dia pe dua blas murit, kong bilang pa dorang, “Dengar e! Skarang torang mo pigi ka atas di kota Yerusalem. Di sana, samua yang nabi-nabi so tulis tentang Anak Manusia yang dari sorga itu mo jadi.

Lukas 19:11

Yesus so dekat di kota Yerusalem. Karna itu, orang banya kira kata, Tuhan Allah so langsung mo Berkuasa sebagai Raja pa Dia pe umat sama deng Dia janji dulu. Karna Yesus tau itu, waktu dorang masi dengar pa Dia, Yesus tamba Dia pe carita satu pake umpama.

Lukas 19:28

Pe abis Yesus carita umpama itu, Dia bajalang kamuka dari orang banya pigi ka atas di kota Yerusalem.

Lukas 24:51

Waktu Yesus sementara kase berkat, Dia taangka ka sorga, kong mulai tapisa dari dorang.

Lukas 9:57

Waktu Yesus deng Dia pe murit-murit sementara bajalang, ada satu orang yang bilang pa Yesus bagini, “Guru, kita mo iko sama-sama deng Guru ka mana saja Guru mo pigi.”

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 16:28

Kita datang di dunia ini dari Kita pe Bapa. Tapi skarang, Kita mo kase tinggal dunia ini kong bale ulang pa Kita pe Bapa.”

Yohanes 16:5

“Skarang, Kita mo pigi pa Kita pe Bapa yang so utus pa Kita. Tapi tara ada dari ngoni yang tanya pa Kita mo pigi ka mana?

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

Yohanes 6:62

Kalu ngoni tara sanang deng Kita pe ajaran ini, bagimana lagi kalu ngoni lia Anak Manusia taangka di sorga, bale pa Dia pe tampa yang dulu?

Kisah Para Rasul 1:2

sampe waktu Dia taangka ka atas di sorga. Sebelum Yesus taangka, Dia pasáng pa Dia pe utusan-utusan yang orang sebut rasul-rasul, apa yang dorang musti biking. Dorang itu yang Dia so pili, kong Dia pasáng pa dorang itu pake Roh Kudus pe kuasa.

Kisah Para Rasul 1:9

Pe abis bilang bagitu, Yesus taangka ka atas di sorga pa dorang pe muka-muka, kong awan tutu pa Dia sampe dorang so tara dapa lia lagi pa Dia.

Efesus 1:20

sama deng kuasa yang Dia pake waktu kase hidup ulang pa Yesus Kristus. Kong deng kuasa itu lagi Dia angka pa Yesus Kristus dudu di tampa yang terhormat, pa Dia pe sabla kanan di sorga.

Filipi 3:14

Jadi kita berusaha turus supaya kita bole biking kita pe tujuan untuk hidup sama deng Kristus Yesus. Itu sama deng orang yang iko lomba lari, yang berusaha lari turus sampe garis finis supaya bole mo dapa hadia. Hadia yang kita mo dapa itu, hidup deng Tuhan Allah slama-lamanya. Kong Tuhan Allah pangge pa kita untuk dapa hidup itu, karna kita so percaya pa Kristus Yesus.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Ibrani 6:20

Jadi torang tara usa tako lagi mo datang pa Tuhan Allah, karna Yesus Kristus yang so kamuka maso di situ la bicara pa Tuhan Allah untuk torang. Dia jadi torang pe Imam Basar untuk slama-lamanya, sama deng Melkisedek dulu yang jadi imam basar.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.