Lukas 9:45 - Perjanjian Baru Bahasa Melayu Maluku Utara

⁴⁵ Tapi Yesus pe murit-murit tara mangarti apa yang Dia bilang. Tuhan Allah bolong biking dorang mangarti itu, supaya dorang bolong tau dia pe arti. Dorang me tako batanya pa Yesus, apa yang Dia bilang itu pe arti.

Lukas 9:45 Iomraidhean Croise

Matius 16:22

Pe dengar Yesus bilang bagitu, Petrus hela pa Yesus pa dia pe pinggir kong togor, “Guru jang bilang bagitu. Minta doa la Tuhan Allah kase jao itu dari Guru.”

Matius 17:22

Waktu Yesus deng Dia pe murit-murit sementara bakumpul di Galilea, Yesus bilang pa dorang, “Nanti Anak Manusia yang dari sorga mo dapa serakan pa orang-orang,

Markus 9:10

Jadi dorang tara kase carita pa sapa-sapa, tapi waktu dong tiga sandiri, dorang baku tanya apa yang Yesus pe maksut “mati kong hidup ulang.”

Markus 9:32

Yesus pe murit-murit tara mangarti apa yang Yesus bilang itu, tapi dorang tara barani tanya pa Dia.

Lukas 18:34

Biar Yesus bilang bagitu, Dia pe murit-murit tetap tara mangarti sama skali, karna arti dari yang Yesus ada bilang tadi itu masi tasambunyi, kong dorang tara tau apa Dia pe maksut.

Lukas 2:50

Dia bilang bagitu, tapi dorang tara mangarti Dia pe maksut.

Lukas 9:46

Satu kali, Yesus pe murit-murit baku malawang tentang sapa yang jadi orang yang paling hebat dari dorang samua.

Yohanes 12:16

Waktu banya orang puji pa Yesus itu, Yesus pe murit-murit bolong mangarti bikiapa kong dorang puji pa Yesus. Tapi nanti, waktu Yesus so dapa puji deng hormat karna Dia mati kong hidup ulang, baru dong sadar, samua itu jadi, sama deng yang Tuhan Allah so bilang di Kitab Suci.

Yohanes 12:34

Kong orang banya itu bilang, “Di lima kitab Musa, Tuhan Allah janji mo utus Mesias, Raja yang mo kase slamat pa manusia. Tuhan Allah bilang Raja itu tetap mo hidup sampe slama-lamanya. Jadi, bagimana kong Bapa bilang, Bapa itu Anak Manusia yang mo dapa angka di atas bumi, abis itu mati? Sebenarnya yang Bapa maksut itu sapa?”

Yohanes 14:5

Turus, Tomas bilang pa Yesus, “Tuhan, torang tara tau Tuhan mo pigi ka mana. Jadi, bagimana torang mo tau jalang mo pigi ka sana?”

Yohanes 4:33

Kong Dia pe murit-murit baku tanya, “Sapa yang so datang bawa makanang pa Dia?”