Lukas 9:33 - Perjanjian Baru Bahasa Melayu Maluku Utara

³³ Waktu nabi Musa deng nabi Elia so mo kase tinggal pa Yesus, Petrus bilang pa Yesus, “Guru, torang sanang skali ada di sini. Lebe bae torang tiga kase badiri tenda kacil tiga: satu untuk Guru, satu untuk nabi Musa, deng satu untuk nabi Elia.” Tapi Petrus asal bicara saja, dia tara sadar.

Lukas 9:33 Iomraidhean Croise

Matius 17:14

Waktu Yesus deng Dia pe murit tiga orang itu bale di tampa orang banya itu, ada orang satu badekat pa Yesus, turus berlutut pa Yesus pe muka.

Matius 17:4

Pe lia itu, Petrus bilang pa Yesus, “Guru, torang sanang skali ada di sini! Kalu Guru mau, kita mo biking tenda kacil tiga di sini: satu untuk Guru, satu untuk nabi Musa deng satu lagi untuk nabi Elia.”

Markus 10:38

Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan deng sengsara sampe mati sama deng Kita?”

Lukas 5:5

Simon bilang, “Guru, so satu malam anteru torang berusaha cari ikang, tapi tong tara dapa apa-apa. Tapi skarang, karna Guru yang suru, kita akan lapas ulang jala ini.”

Lukas 9:34

Sementara Petrus bicara, awan turung tutu pa dorang, kong dorang jadi tako.

Lukas 9:49

Abis itu, Yohanes bilang pa Yesus, “Guru, torang lia ada satu orang user setang pake Guru pe nama. Turus torang larang pa dia, barang dia itu bukang torang pe tamang.”

Yohanes 14:8

Filipus bilang pa Dia, “Tuhan, kase tunju Tuhan pe Bapa itu pa torang, supaya torang pe hati puas.”

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.