Lukas 9:25 - Perjanjian Baru Bahasa Melayu Maluku Utara

²⁵ Tarada dia pe untung to, kalu satu orang dapa samua harta di dunia ini, tapi dia mati tapisa deng Tuhan Allah slama-lamanya.

Lukas 9:25 Iomraidhean Croise

Matius 13:48

Bagitu jala so ponong, dorang hela kong bawa jala itu di pinggir talaga. Abis itu dorang dudu kong kase pisa-pisa ikang yang bagus deng ikang yang tara bagus. Ikang yang bagus dorang taru di karanjang, tapi ikang yang tara bagus dorang buang.

Matius 13:50

Kong malaekat-malaekat mo buang orang jahat di api yang tara akan mo mati-mati. Di sana dorang manangis sampe dong pe gigi babunyi karna dong siksa skali.”

Matius 16:26

Tarada dia pe untung to, kalu satu orang dapa samua harta di dunia ini, tapi dia tara dapa hidup deng Tuhan Allah slama-lamanya. Pasti tarada yang bole dia kase untuk dapa hidup deng Tuhan Allah slama-lamanya.

Markus 8:36

Tarada dia pe untung to, kalu satu orang dapa samua harta di dunia ini, tapi dia tara dapa hidup deng Tuhan Allah slama-lamanya.

Kisah Para Rasul 1:18

(Yudas itu yang bahianat pa Yesus, kong dari hasil dia pe kajahatan itu, dia dapa doi, turus doi itu so pake bili tana. Di tana itu suda dia tapalaka sampe dia pe puru me tabalá kong dia pe gale-gale me kaluar.

Kisah Para Rasul 1:25

supaya dia ganti pa Yudas dalam pelayanan ini untuk jadi Yesus pe rasul. Barang, Yudas so mati kong dia so ada di tampa yang pantas iko sama deng apa yang dia biking.”

1 Korintus 9:27

Tapi kita lati kita pe diri sunggu-sunggu deng kita jaga kita pe diri bae-bae iko Tuhan Allah pe mau, supaya nanti kalu kita so abis kase tau Kabar Bae tentang Yesus Kristus pa orang-orang laeng, kita sandiri jang dapa tolak tapi kita dapa upah dari Tuhan Allah.

Ibrani 10:34

Ngoni memang rasa kasiang kong so bantu pa orang-orang yang maso penjara karna percaya pa Yesus Kristus. Kong waktu orang rampas ngoni pe harta, ngoni tarima deng hati sanang saja, barang ngoni tau, nanti ngoni akan dapa harta dari Tuhan di sorga yang lebe bagus, kong harta itu akan tetap ada sampe slama-lamanya.