Lukas 9:22 - Perjanjian Baru Bahasa Melayu Maluku Utara

²² Abis itu Yesus bilang lagi, “Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dia mo dapa bunu, tapi di hari ketiga Tuhan Allah mo kase hidup ulang pa Dia.”

Lukas 9:22 Iomraidhean Croise

Matius 17:12

Tapi dengar bae-bae yang Kita bilang ini, orang yang sama deng nabi Elia itu so datang, kong orang-orang tara kanal pa dia. Mala, dorang biking siksa pa dia iko dong pe mau. Bagitu lagi dorang akan biking siksa pa Anak Manusia.”

Matius 17:22

Waktu Yesus deng Dia pe murit-murit sementara bakumpul di Galilea, Yesus bilang pa dorang, “Nanti Anak Manusia yang dari sorga mo dapa serakan pa orang-orang,

Matius 27:63

Dorang bilang pa Pilatus, “Bapa gubernur, torang inga waktu Yesus yang pangbafoya itu masi hidup, Dia perna bilang, ‘Kita memang mo mati, tapi dia pe hari ketiga, Kita mo hidup ulang’.

Markus 8:31

Mulai waktu itu, Yesus kase tau pa Dia pe murit-murit, nanti Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala, deng guru-guru agama Yahudi yang ahli lima kitab Musa. Dorang mo bunu pa Dia, tapi di hari ketiga, Dia hidup ulang.

Markus 9:31

karna Dia ada mangajar pa Dia pe murit-murit. Dia bilang pa Dia pe murit-murit bagini, “Nanti Anak Manusia yang dari sorga mo dapa serakan pa orang-orang, kong mo dapa bunu, tapi mo hidup ulang di hari ketiga.”

Lukas 17:25

Tapi Anak Manusia musti dapa banya siksa dulu, deng dapa tolak dari orang-orang yang hidup skarang ini, baru Dia datang ulang.

Lukas 24:26

Nabi-nabi so bilang Mesias, Raja yang Tuhan Allah janji mo kase slamat pa manusia, Dia itu musti dapa siksa dulu, baru Dia dapa puji deng hormat di sorga.”

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Lukas 24:7

Dia bilang, ‘Orang mo serakan Anak Manusia pa orang-orang berdosa, kong dorang mo kase salib pa Dia. Tapi di hari yang ketiga Dia itu mo hidup ulang.’ ”

Lukas 9:44

“Dengar deng perhatikan bae-bae yang Kita bilang ini. Nanti Anak Manusia yang dari sorga mo dapa serakan pa orang-orang.”

1 Korintus 15:4

Dia so dapa kubur, kong Tuhan Allah so kase hidup ulang pa Dia di hari yang ketiga, iko sama deng yang so tatulis di Kitab Suci.

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.