Lukas 9:19 - Perjanjian Baru Bahasa Melayu Maluku Utara

¹⁹ Dorang jawab, “Ada yang bilang, Guru itu Yohanes Pembaptis yang so hidup ulang. Ada yang bilang, Guru itu nabi Elia yang datang turung dari sorga. Ada lagi yang bilang, Guru itu satu dari nabi-nabi dulu yang hidup ulang.”

Lukas 9:19 Iomraidhean Croise

Matius 14:2

Kong dia bilang pa dia pe pegawai-pegawai, “Mangkali Yesus itu Yohanes Pembaptis yang dulu mati, kong so hidup ulang kaapa? Ada harus dia bole biking mujizat-mujizat itu!”

Matius 3:1

Ada satu orang dia pe nama Yohanes, dia jaga baptis orang. Satu kali bagini, dia pigi di daera Yudea di padang gurun, tampa yang jao dari kampong. Di situ, dia jaga kase tau Tuhan Allah pe pasáng pa orang-orang. Dia bilang,

Markus 6:14

Di mana-mana orang bacarita tentang Yesus, barang Dia pe nama so terkenal, sampe raja Herodes me dapa dengar itu. Ada yang bilang, “Mangkali Yesus itu Yohanes Pembaptis yang dulu mati, kong so hidup ulang kaapa? Ada harus dia bole biking mujizat pe banya itu!”

Markus 6:15

Ada laeng lagi yang bilang, “Dia itu nabi Elia!” Turus ada lagi yang bilang, “Dia itu nabi laeng yang kase turus Tuhan Allah pe pasáng, sama deng nabi-nabi yang dulu.”

Lukas 9:18

Satu kali, Yesus berdoa sandiri. Dia pe murit-murit me ada di situ dekat deng Dia. Abis berdoa, Yesus batanya pa Dia pe murit-murit, “Yang ngoni dengar, orang-orang jaga bilang Kita ini sapa?”

Lukas 9:20

Turus Dia tanya lagi pa dorang, “Kong kalu menurut ngoni, Kita ini sapa?” Petrus jawab, “Guru itu Mesias suda, Raja yang Tuhan Allah janji mo kase slamat pa manusia.”

Yohanes 1:21

Turus, dorang bale batanya lagi “Kalu bagitu, ngana ini sapa? Ngana nabi Elia yang bale ulang di dunia ka bukang?” Yohanes jawab, “Bukang!” Turus dorang tanya lagi, “Ngana itu nabi yang jaga kase turus Tuhan Allah pe pasáng, yang Dia so janji dari dulu?” Yohanes balas jawab pa dorang, “Bukang!”

Yohanes 1:25

Kong dorang tanya pa dia, “Kalu ngana bukang Mesias, deng ngana bukang nabi Elia, deng ngana lagi bukang nabi yang mo datang itu, bikiapa kong sampe ngana baptis orang?”

Yohanes 7:40

Waktu orang banya dengar Yesus pe kata-kata itu, ada babarapa dari dorang yang bilang bagini, “Dia ini suda, Nabi yang Tuhan Allah perna janji mo datang.”

Yohanes 9:17

Jadi dorang batanya ulang pa orang yang dulu buta itu, “Ngana ini yang Dia so kase sembu ngana pe mata to? Jadi menurut ngana, Dia itu sapa?” Dia jawab pa dorang, “Dia itu Nabi yang jaga kase turus Tuhan Allah pe pasáng pa orang-orang.”