Lukas 9:11 - Perjanjian Baru Bahasa Melayu Maluku Utara

¹¹ Tapi orang banya dapa tau tampa yang Yesus deng Dia pe murit-murit pigi. Jadi dong pigi iko pa Dia. Yesus tarima bae-bae pa dorang kong mangajar pa dorang tentang bagimana Tuhan Allah Berkuasa sebagai Raja pa orang-orang yang percaya pa Dia, deng Dia me kase sembu pa orang-orang saki.

Lukas 9:11 Iomraidhean Croise

Matius 14:14

Waktu Yesus turung dari parau, Dia lia orang banya itu, kong Dia rasa kasiang pa dorang. Turus Dia kase sembu pa orang-orang yang saki.

Matius 21:31

Jadi menurut ngoni, dari dua ana itu sapa yang biking dorang pe papa pe mau?” Pemimpin-pemimpin agama Yahudi itu jawab, “Ana yang tua.” Kong Yesus bilang pa dorang, “Karna itu, dengar yang Kita mo bilang pa ngoni ini, orang-orang berdosa yang dong pe karja tagi-tagi pajak, deng parampuang-parampuang tara bae, dorang itu yang kamuka dari ngoni mo jadi Tuhan Allah pe umat yang Dia Berkuasa sebagai Raja.

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Lukas 1:53

Dia kase apa yang bae pa orang-orang miskin sampe dorang puas, tapi pa orang-orang kaya Dia suru pigi deng tara bawa apa-apa.

Lukas 5:31

Yesus dapa dengar dorang bicara bagitu, kong Dia bilang pa dorang bagini, “Bukang orang sehat yang perlu dokter, tapi orang saki.

Lukas 8:1

Abis itu, Yesus pigi bajalang bakuliling di kota-kota deng di kampong-kampong, Dia kase tau Kabar Bae tentang Tuhan Allah mo Berkuasa sebagai Raja pa orang-orang yang percaya pa Dia. Dia pe murit dua blas orang itu ada iko sama-sama deng Dia,

Lukas 8:10

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang-orang laeng, hal itu Kita kase tau pake umpama, supaya deng bagitu, ‘Biar dorang lia, dorang tara mangarti apa yang dong lia. Biar dorang dengar, dorang tara mangarti apa yang dong dengar.’

Lukas 9:10

Yesus pe murit-murit yang Dia utus itu, skarang so bale. Dorang carita pa Yesus samua yang dorang so biking. Abis itu, Yesus bawa pa dorang di tampa yang sunyi dekat kota yang pe nama Betsaida la dorang tasandiri di situ.

Lukas 9:12

Waktu so mo malam, Yesus pe murit-murit dua blas orang itu datang pa Dia kong bilang, “Guru, tampa ini sunyi deng jao dari kampong. Lebe bae suru suda orang-orang banya itu pigi cari makanang deng cari tampa untuk tidor di kampong-kampong yang paling dekat dari sini.”

Lukas 9:2

Abis itu, Yesus suru dorang pigi kase tau pa orang-orang tentang bagimana Tuhan Allah Berkuasa sebagai Raja pa Dia pe umat deng Dia suru dong pigi kase sembu pa orang-orang yang saki.

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Kisah Para Rasul 28:31

Paulus kase tau pa dorang tentang bagimana Tuhan Allah Berkuasa sebagai Raja pa Dia pe umat. Dia me kase ajar pa dorang tentang Tuhan Yesus Kristus. Dia bicara turus tarang deng barani, kong tarada yang larang pa dia.

Roma 10:14

Tapi bagimana mungkin dorang bole minta tolong pa Tuhan Allah kalu dorang sandiri bolong percaya pa Dia, to? Deng dorang tara bisa percaya kalu dorang bolong dengar kabar tentang Dia, to? Dorang lagi tara bisa dengar kabar tentang Dia kalu tarada orang yang pi kase tau kabar pa dorang, to?

Roma 10:17

Jadi, orang musti dengar dulu kabar tentang Yesus Kristus, baru dorang mo percaya. Deng, dorang bisa dengar kabar tentang Yesus Kristus, kalu ada orang yang kase tau kabar itu pa dorang.

Roma 15:3

Torang musti biking bagitu, karna Yesus Kristus me tara cari Dia pe sanang sandiri, tapi Dia siap orang hina. Itu sama deng yang ada tatulis di Kitab Suci bagini, “Kata-kata tara bae yang orang-orang bilang pa Tuhan Allah, itu so kanal pa kita.”

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.