Lukas 8:7 - Perjanjian Baru Bahasa Melayu Maluku Utara

⁷ Kong ada lagi bibit yang jatu di tana yang dia pe rumpu baduri. Rumpu baduri itu me batumbu sama-sama deng bibit itu tapi dia lebe basar, jadi dia gepe tanaman yang so batumbu itu sampe mati.

Lukas 8:7 Iomraidhean Croise

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Matius 13:7

Kong ada lagi bibit yang jatu di tana yang dia pe rumpu baduri. Bagitu bibit itu batumbu, rumpu baduri me batumbu tamba basar kong gepe tanaman itu sampe mati.

Markus 4:7

Kong ada lagi bibit yang jatu di tana yang dia pe rumpu baduri. Bagitu bibit itu batumbu, rumpu baduri me tamba basar kong gepe tanaman itu sampe mati, jadi tanaman itu tara babua.

Lukas 21:34

Yesus bilang lagi, “Jaga ngoni pe diri bae-bae, jang sampe ngoni cuma bapikir tentang pesta sasaja deng baminum sampe mabo, atau ngoni kase hawater tentang ngoni pe hidup hari-hari. Karna kalu ngoni pe pikiran macam bagitu, ngoni tara akan siap waktu Anak Manusia yang dari sorga datang tiba-tiba, itu sama deng binatang yang tiba-tiba takanal dodeso.

Lukas 8:14

Bibit yang jatu di tana yang ada rumpu baduri, itu sama deng orang-orang yang so dengar firman, tapi dorang pe hati tara tenang tentang dong pe hidup, dorang cuma cari harta, deng cuma suka hidup sanang. Jadi firman yang dorang dengar itu dorang tara biking, sampe firman itu tara bawa hasil apa-apa, sama deng bibit yang tara babua.

Lukas 8:6

Ada bibit laeng yang jatu di tana babatu-batu. Bibit itu batumbu tapi jadi kiring karna tarada aer.

Lukas 8:8

Tapi ada bibit laeng yang jatu di tana yang subur. Bibit itu batumbu deng babua banya skali sampe saratus kali lipa.” Abis bilang umpama itu, Yesus bilang lagi, “Dengar itu bae-bae kong simpang di hati!”