Lukas 8:47 - Perjanjian Baru Bahasa Melayu Maluku Utara

⁴⁷ Parampuang itu barasa apa yang dia biking itu tara bisa sambunyi, jadi deng totofore dia ka sana berlutut pa Yesus pe muka. Di samua orang di situ pe muka, dia carita, bikiapa sampe dia sontong Yesus pe juba. Dia me bilang waktu dia sontong pa Yesus, dia langsung sembu.

Lukas 8:47 Iomraidhean Croise

Matius 28:8

Jadi, parampuang-parampuang itu langsung kase tinggal kubur itu. Dorang tako tapi dorang me rasa sanang skali. Dorang lari capat-capat la mo kase tau samua itu pa Yesus pe murit-murit.

Markus 5:33

Parampuang itu tako skali sampe totofore, karna dia tau dia yang sontong Yesus pe juba sampe dia sembu. Jadi, dia berlutut pa Yesus pe muka kong carita samua bagimana sampe dia bisa sembu.

Lukas 8:46

Yesus bilang, “Tapi pasti ada satu orang yang sontong pa Kita, barang Kita rasa ada kuasa yang kaluar dari Kita pe badan untuk kase sembu pa dia.”

Lukas 8:48

Kong Yesus bilang pa parampuang itu, “Ibu, skarang ibu so sembu karna percaya pa Kita. Pulang suda deng hati tenang.”

Kisah Para Rasul 16:29

Pe dengar itu, kapala penjara langsung suru orang bawa lentera kong dia maso capat-capat dalam penjara. Deng totofore, dia berlutut pa Paulus deng Silas pe muka.

1 Korintus 2:3

Kong waktu kita ada sama-sama deng ngoni itu, kita rasa kita pe diri tara mampo, deng kita rasa tako sampe totofore.

2 Korintus 7:15

Kong skarang dia lebe tamba sayang pa ngoni, barang dia inga, ngoni itu dengar-dengaran pa dia, deng ngoni tarima deng hormati skali pa dia.

Filipi 2:12

Sudara-sudara yang kita sayang, waktu kita ada sama-sama deng ngoni, ngoni salalu dengar-dengaran pa Tuhan Allah. Lebe-lebe skarang kita so jao dari ngoni, jadi ngoni musti tetap dengar-dengaran pa Dia. Ngoni musti berusaha turus hidup deng kalakuang yang pantas untuk orang yang so dapa slamat dari dosa-dosa. Ngoni hidup bagitu deng rasa tako deng hormat pa Tuhan Allah.

Ibrani 12:28

Jadi mari suda, torang bilang tarimakasi pa Tuhan Allah karna torang so jadi Dia pe umat pa Dia pe kerajaan yang tara akan tagoyang deng ancor slama-lamanya. Mari torang semba pa Tuhan Allah deng cara yang biking Dia pe hati sanang, torang semba deng rasa tako kong hormati pa Dia.