Lukas 8:43 - Perjanjian Baru Bahasa Melayu Maluku Utara

⁴³ Di orang banya yang baku-baku gepe itu ada parampuang satu yang so dua blas taong menderita karna pendarahan. [Dia so kase abis samua dia pe harta untuk barobat di sagala dokter], tapi tarada satu yang bisa kase sembu pa dia.

Lukas 8:43 Iomraidhean Croise

Markus 12:44

Barang, orang-orang kaya ini, biar dorang kase doi banya, tapi dong pe doi masi sisa banya. Sedangkan janda ini, biar dia susa me, dia so kase samua dia pe doi.”

Markus 9:18

Tiap kali setang maso pa dia, setang itu banting pa dia di tana, sampe dia pe gabu-gabu me kaluar dari mulu, deng dia pe gigi bababunyi, kong dia pe badan takancing. Kita so minta tolong pa Guru pe murit-murit supaya user setang itu dari kita pe ana, tapi dorang tara mampo.”

Lukas 13:11

Di situ, ada parampuang satu yang saki so delapan blas taong karna setang kuasai pa dia sampe dia bongko, so tara bole badiri lurus.

Lukas 13:16

Ibu ini Abraham pe turunan sama deng ngoni. Dia so delapan blas taong Iblis kuasai. Jadi, tara sala suda kalu Kita kase lapas pa dia dari Iblis pe kuasa, biar ini hari Sabat.”

Lukas 8:27

Waktu Yesus turung dari parau, ada laki-laki satu datang pa Yesus. Dia kemasukan banya setang. Dia datang dari kota yang di dekat situ kong dia so lama tara pake baju deng so lama tara tinggal di ruma, dia cuma tinggal di kubur-kubur goa.

Lukas 8:42

Barang, dia pe ana yang cuma satu itu ada saki amper mati. Dia pe ana itu parampuang, dia pe umur kira-kira dua blas taong. Yesus pigi pa Yairus pe ruma. Sementara Yesus bajalang ka sana, ada orang banya skali yang baku-baku gepe mo badekat pa Yesus.

Lukas 8:44

Parampuang itu badekat pa Yesus dari balakang kong dia sontong Yesus pe ujung juba. Waktu itu suda, dia pe pendarahan langsung berenti.

Yohanes 9:1

Waktu Yesus sementara bajalang, Dia lia satu orang yang so buta dari lahir.

Yohanes 9:21

Tapi bagimana sampe dia so dapa lia skarang, itu torang tara tau, deng sapa yang biking sampe dia bisa dapa lia, itu me torang tara tau. Coba bapa-bapa tanya sandiri suda pa dia. Dia itu so basar, jadi dia bisa jawab sandiri.”

Kisah Para Rasul 3:2

Waktu dorang sampe di Ruma Ibada Pusat pe pintu gerbang yang dia pe nama “Pintu Bagus”, di situ ada laki-laki satu yang lumpu. Orang itu mulai dari lahir dia so lumpu. Tiap hari orang angka bawa pa dia di situ, la dia baminta-minta pa orang-orang yang mo maso di Ruma Ibada Pusat pe kompleks.

Kisah Para Rasul 4:22

Dorang herang, barang orang lumpu itu menderita so ampa pulu taong lebe, kong nanti skarang ini baru dia sembu.