Lukas 8:42 - Perjanjian Baru Bahasa Melayu Maluku Utara

⁴² Barang, dia pe ana yang cuma satu itu ada saki amper mati. Dia pe ana itu parampuang, dia pe umur kira-kira dua blas taong. Yesus pigi pa Yairus pe ruma. Sementara Yesus bajalang ka sana, ada orang banya skali yang baku-baku gepe mo badekat pa Yesus.

Lukas 8:42 Iomraidhean Croise

Markus 5:24

Pe dengar itu, Yesus pigi iko pa Yairus. Waktu dorang bajalang, orang banya iko pa Yesus sampe dorang baku-baku gepe.

Lukas 7:12

Waktu Yesus deng Dia pe rombongan so dekat di pintu maso kota itu, ada orang-orang yang sementara kaluar pikul orang mati. Yang mati itu ibu janda pe ana laki-laki, kong cuma satu itu lagi. Deng banya orang dari kota itu yang batamang pa ibu itu bakubur.

Lukas 8:41

Waktu itu, ada satu orang datang pa Yesus, dia pe nama Yairus. Dia itu kapala di satu ruma ibada agama Yahudi. Dia berlutut pa Yesus pe muka kong bamohon supaya Yesus datang pa dia pe ruma.

Lukas 8:43

Di orang banya yang baku-baku gepe itu ada parampuang satu yang so dua blas taong menderita karna pendarahan. [Dia so kase abis samua dia pe harta untuk barobat di sagala dokter], tapi tarada satu yang bisa kase sembu pa dia.

Lukas 8:45

Yesus tanya, “Sapa yang sontong pa Kita?” Samua orang tara ada yang barani mangaku. Kong Petrus bilang pa Yesus, “Guru, ada banya skali orang yang baku-baku gepe deng Guru ini kong!”

Roma 5:12

Dosa itu mulai ada di dunia ini waktu Adam biking dosa. Kong gara-gara dia so biking dosa, jadi dia musti mati. Bagitu lagi yang mo jadi pa samua orang yang jadi Adam pe turunan. Karna torang samua so biking dosa, torang samua musti mati.