Lukas 8:25 - Perjanjian Baru Bahasa Melayu Maluku Utara

²⁵ Kong Yesus bilang pa Dia pe murit-murit, “Bikiapa kong ngoni tara percaya pa Kita?” Dorang jadi tako deng herang, kong dorang baku bilang, “Dia parenta pa angin deng omba kong angin deng omba me iko Dia pe parenta! Orang macam apa Dia ini e?”

Lukas 8:25 Iomraidhean Croise

Matius 14:31

Kong Yesus capat-capat pegang Petrus pe tangan, turus angka pa dia. Yesus bilang, “Ee, ngana yang kurang percaya, bikiapa kong ngana ragu?”

Matius 17:20

Kong Yesus bilang pa dorang, “Itu karna ngoni tara percaya butul-butul pa Tuhan Allah. Dengar bae-bae yang Kita bilang pa ngoni, kalu ngoni pe percaya itu ada, biar cuma kacil sama deng biji yang paling kacil di dunia ini, ngoni bole bilang pa gunung ini, ‘Pinda ka sana!’ Pasti gunung ini tapinda ka sana. Jadi samua ngoni bole biking, asal ngoni percaya pa Tuhan. [

Matius 6:30

Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan Allah akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Matius 8:26

Kong Yesus bangun, turus bilang pa dorang, “Ee, ngoni orang yang kurang percaya, bikiapa kong ngoni tako?” Turus Yesus badiri kong togor pa angin deng omba itu deng suara karas. Waktu itu suda, angin deng omba itu berenti, kong talaga itu jadi todo skali.

Markus 4:35

Pe sore itu, Yesus bilang pa Dia pe murit-murit, “Mari suda torang ka sana di sabla talaga.”

Lukas 12:28

Rumpu di kobong saja Tuhan Allah piara deng biking bagus, padahal rumpu itu cuma ada hari ini, deng beso so dapa bakar. Apalagi ngoni manusia, pasti Tuhan akan piara pa ngoni deng biking bagus ngoni pe hidup. Jadi bikiapa kong ngoni kurang percaya pa Dia?

Lukas 8:24

Turus Yesus pe murit-murit kase bangun kong bilang pa Dia, “Guru, Guru, torang so mo mati ini!” Yesus bangun kong togor angin deng omba basar itu. Turus, angin deng omba itu berenti, kong talaga itu jadi todo.

Lukas 8:26

Yesus deng Dia pe murit-murit balayar turus sampe di talaga Galilea pe sabla, di orang Gerasa pe daera.

Yohanes 11:40

Yesus bilang, “Kita so bilang pa ngana tadi to? Kalu ngana percaya pa Kita, ngana akan lia Tuhan Allah pe kuasa yang hebat.”