Lukas 8:2 - Perjanjian Baru Bahasa Melayu Maluku Utara

² deng ada lagi babarapa parampuang yang iko sama-sama deng Dia. Dari parampuang-parampuang itu ada yang perna Yesus user setang-setang, deng ada yang Yesus perna kase sembu dari saki. Satu dari dorang dia pe nama Maria, yang biasa orang sebut Magdalena, Yesus perna user tuju setang dari dia.

Lukas 8:2 Iomraidhean Croise

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Markus 16:1

Pe Sabtu malam, waktu so lewat hari Sabat, hari yang orang agama Yahudi tara bole bakarja, Salome, Maria orang Magdala deng Maria Yakobus pe mama, pigi bili minya wangi la mo goso Yesus pe mayat, iko orang Yahudi pe biasa.

Markus 16:9

Pe hari Minggu pagi-pagi skali itu, waktu Yesus so hidup ulang, Yesus kakamuka kase tunju Dia pe diri pa Maria orang Magdala. Maria itu yang Yesus perna user tuju setang dari dia.

Lukas 23:27

Banya orang yang iko pa Yesus dari balakang. Di antara banya orang itu ada parampuang-parampuang yang manangis deng bataria kuat-kuat karna sedi skali.

Lukas 23:49

Samua orang yang kanal dekat pa Yesus, termasuk parampuang-parampuang yang jaga iko pa Dia dari Galilea, dorang badiri jao-jao kong lia samua yang jadi itu.

Lukas 23:55

Parampuang-parampuang yang datang sama-sama deng Yesus dari daera Galilea me iko pa Yusuf waktu pi kubur pa Yesus, dorang lia dia pe tampa deng bagimana Yesus pe mayat dia taru dalam kubur goa di bukit batu.

Lukas 8:30

Kong Yesus tanya pa setang yang ada pa orang itu, “Ngana pe nama sapa?” Setang itu jawab, “Torang pe nama Legion.” Legion pe arti, ‘deng ribu’, barang ada banya skali setang yang kuasai pa orang itu.

Yohanes 19:25

Di dekat Yesus pe salib, ada badiri Yesus pe mama, Yesus pe mama pe sudara parampuang, Kleopas pe bini yang pe nama Maria, deng Maria orang Magdala.

Kisah Para Rasul 1:14

Dorang samua salalu bakumpul la berdoa deng satu hati. Dorang berdoa sama-sama deng babarapa parampuang, Yesus pe sudara-sudara, deng Maria Yesus pe mama.