Lukas 8:16 - Perjanjian Baru Bahasa Melayu Maluku Utara

¹⁶ Yesus bilang lagi, “Tara ada orang yang pasang lampu kong tutu lampu itu deng satu barang atau taru di bawa koi. Tapi pasti dia taru lampu itu di dia pe tampa supaya samua orang yang maso di ruma bisa lia lampu pe cahaya.

Lukas 8:16 Iomraidhean Croise

Lukas 11:33

Yesus bilang satu umpama lagi bagini, “Tarada orang yang pasang lampu kong taru di bawa kolong ruma atau kase tutu deng satu barang la dia pe cahaya tara kaluar. Tapi, pasti dia taru di dia pe tampa supaya samua orang yang maso di ruma bisa lia lampu pe cahaya.

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Wahyu 1:20

Yang ngana lia tuju bintang di Kita pe tangan kanan itu, deng tuju tiang mas itu, dia pe arti masi rahasia pa orang-orang. Kong skarang Kita mo buka rahasia itu pe arti pa ngana bagini: tuju bintang itu pe arti, Tuhan pe tuju malaekat yang jaga tuju jemaat. Kong tuju tiang mas yang pake taru lampu itu pe arti, tuju jemaat.”

Wahyu 11:4

Dua saksi itu bole kase sama deng dua pohong zaitun deng dua tiang tampa taru lampu yang badiri pa Tuhan Allah pe muka yang berkuasa di seluru dunia ini.