Lukas 8:13 - Perjanjian Baru Bahasa Melayu Maluku Utara

¹³ Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Lukas 8:13 Iomraidhean Croise

Markus 6:20

barang raja suru tentara jaga bae-bae pa Yohanes di penjara. Raja Herodes tako pa Yohanes, karna dia tau, Yohanes itu orang yang hidup butul deng hati bersi pa Tuhan Allah pe muka. Karna itu, dia tahang pa Yohanes. Biar raja pe hati tara sanang, tapi tiap kali dia dengar Yohanes bicara, dia suka dengar.

Lukas 8:12

Bibit yang jatu di jalang, itu sama deng orang-orang yang so dengar Tuhan Allah pe firman kong Iblis datang ambe firman itu dari dong pe hati supaya jang dong percaya kong slamat dari dosa-dosa.

Lukas 8:14

Bibit yang jatu di tana yang ada rumpu baduri, itu sama deng orang-orang yang so dengar firman, tapi dorang pe hati tara tenang tentang dong pe hidup, dorang cuma cari harta, deng cuma suka hidup sanang. Jadi firman yang dorang dengar itu dorang tara biking, sampe firman itu tara bawa hasil apa-apa, sama deng bibit yang tara babua.

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

1 Korintus 15:2

Kalu ngoni tetap percaya Kabar Bae yang kita so kase tau pa ngoni itu, ngoni mo dapa slamat. Tapi kalu tarada, ngoni pe percaya itu jadi parcuma.

Galatia 3:1

Ee ngoni orang-orang percaya di Galatia! Tuhari, kita so kase tau deng jelas di ngoni pe muka-muka to, Yesus Kristus mati di kayu salib untuk tebus torang pe dosa. Tapi skarang orang so kase tipu pa ngoni untuk iko dorang pe ajaran yang sala, kata, musti iko aturan-aturan di lima kitab Musa baru dapa slamat. Ngoni memang bodo!

Galatia 3:4

Waktu ngoni baru percaya pa Yesus, ngoni tahang banya siksa dari orang-orang yang tara percaya. Jadi, kalu ngoni tara percaya ajaran yang butul itu lagi, parcuma ngoni pe siksa yang ngoni dapa itu. Masa mo jadi parcuma bagitu!

Efesus 3:17

supaya Yesus Kristus tetap tinggal di ngoni pe hati karna ngoni percaya pa Dia. Kita minta pa Tuhan Allah supaya ngoni pe sayang lebe tamba basar pa Tuhan Allah deng pa samua orang, itu sama deng pohong pe akar yang lebe tatanam kuat di tana.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.

Kolose 2:7

Ngoni pe percaya pa Dia musti kuat, sama deng pohong pe akar yang tatanam kuat di tana. Deng ngoni pe hidup musti bagantong kuat pa Dia, sama deng ruma yang ada bangun di atas fandasi yang kuat. Kong ngoni pe percaya pa Dia me musti lebe tamba kuat, iko sama deng ajaran yang ngoni so tarima. Kong ngoni musti salalu bilang tarimakasi banya pa Tuhan Allah.

1 Tesalonika 3:5

Jadi kita utus Timotius pa ngoni, karna kita rasa tara puas kalu tara dengar ngoni pe kabar. Kita mo cari tau kalu ngoni masi percaya turus pa Yesus ka so tarada. Kita hawater, jang sampe Iblis, setang-setang pe raja goda pa ngoni, kong ngoni so tara percaya lagi pa Yesus. Kalu sampe jadi bagitu, torang pe karja kase ajar Kabar Bae pa ngoni tarada dia pe guna.

1 Timotius 1:19

Barang, ada babarapa orang yang so tara iko lagi yang butul yang dorang tau itu, sampe dorang so tara percaya lagi pa Tuhan.

Ibrani 10:39

Tapi sudara-sudara, torang samua tara bagitu. Torang ini bukang orang-orang yang so kase tinggal torang pe percaya kong tapisa deng Tuhan Allah sampe slama-lamanya, tapi torang samua ini orang-orang yang percaya deng yang dapa slamat.

Yakobus 2:26

Jadi orang yang bilang dia percaya pa Tuhan Allah, tapi dia tara biking apa yang Tuhan Allah mau dalam dia pe hidup, dia pe percaya itu tarada guna. Dia itu sama deng orang yang so mati, ada badan tapi tarada nyawa.

2 Petrus 2:20

Kita pe maksut, kalu dorang itu so kanal pa Yesus Kristus torang pe Tuhan deng Juruslamat, dorang me so lapas dari dunia pe mau yang jahat. Tapi kalu dorang bale ulang untuk iko keinginan-keinginan yang jahat itu, dorang pe keadaan nanti mo lebe soe dari yang pertama.

2 Petrus 2:22

Yang dorang biking itu, memang sama deng orang jaga bilang bagini, ‘Anjing bale jilat ulang dia pe munta, deng babi yang so bersi, bale ulang di pece-pece.’

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.

Yudas 1:12

Waktu ngoni jemaat bakumpul makang untuk inga Tuhan Allah pe sayang, orang-orang yang bawa ajaran tara butul itu kase rusak ngoni pe acara itu. Itu sama deng dorang jadi noda di acara itu. Waktu itu dorang makang tara malu-malu, golojo lagi, deng cuma pikir diri sandiri. Dorang sama deng awan yang bapinda karna angin tiop kong tara jadi ujang. Dorang me sama deng pohong-pohong yang tara babua di musim babua, yang tacabu sampe dia pe akar-akar kong mati.