Lukas 8:12 - Perjanjian Baru Bahasa Melayu Maluku Utara

¹² Bibit yang jatu di jalang, itu sama deng orang-orang yang so dengar Tuhan Allah pe firman kong Iblis datang ambe firman itu dari dong pe hati supaya jang dong percaya kong slamat dari dosa-dosa.

Lukas 8:12 Iomraidhean Croise

Matius 13:19

Bibit yang jatu di jalang itu sama deng orang-orang yang dengar firman tentang Tuhan Allah Berkuasa sebagai Raja, tapi dorang tara mangarti butul-butul. Pe abis dorang dengar firman Tuhan itu, Iblis, setang-setang pe raja datang kong ambe firman itu dari dorang pe hati.

Matius 13:4

Waktu dia ambur bibit itu, ada bibit yang jatu di jalang. Kong burung-burung datang makang bibit itu sampe abis.

Markus 4:15

Bibit yang jatu di jalang, itu sama deng orang-orang yang dengar firman. Pe abis dengar, Iblis, setang-setang pe raja langsung datang kong ambe firman itu dari dorang pe hati.

Lukas 8:11

Ini umpama tadi itu pe arti: bibit itu Tuhan Allah pe firman.

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Lukas 8:5

“Ada orang kobong satu pigi baambur bibit di kobong. Waktu dia ambur bibit itu, ada bibit yang jatu di jalang kong orang injang. Turus burung-burung di udara datang makang bibit itu sampe abis.

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.