Lukas 7:7 - Perjanjian Baru Bahasa Melayu Maluku Utara

⁷ Karna itu, kita rasa tara barani mangada langsung pa Bapa. Asal Bapa bilang satu kata saja dari sini, pasti kita pe orang karja itu akan sembu.

Lukas 7:7 Iomraidhean Croise

Markus 1:27

Samua orang yang ada di situ jadi herang, sampe dorang baku bilang, “Ee, coba ngoni perhatikan bae-bae! Ini ajaran baru! Dia bicara deng kuasa, sampe setang-setang me iko Dia pe parenta.”

Lukas 4:36

Pe lia itu, samua orang yang ada di situ jadi herang kong baku bilang bagini, “Bukang maeng Dia pe kata-kata, hebat skali! Dia pake Dia pe kuasa untuk user setang-setang kaluar dari orang kong dong langsung kaluar!”

Lukas 5:13

Turus, Yesus pegang pa orang itu kong bilang, “Kita mau ngana sembu. Jadi skarang ngana sembu suda!” Waktu itu suda, orang itu pe lepra langsung ilang.

Lukas 7:6

Kong Yesus pigi sama-sama deng dorang. Waktu Yesus so dekat komandan itu pe ruma, komandan itu suru dia pe tamang-tamang baku dapa deng Yesus la bilang bagini, “Bapa, jang basusa-susa datang pa kita pe ruma, karna kita tara pantas tarima pa Bapa di kita pe ruma.

Lukas 7:8

Barang, kita tau Bapa bole parenta orang la jadi sembu, sama deng torang tentara me bole parenta orang. Kita ada kita pe atasan, deng kita me ada kita pe ana bua yang dengar pa kita. Kalu kita parenta kita pe ana bua, ‘Pigi!’ pasti dia pigi. Kalu kita parenta kita pe ana bua yang laeng, ‘Datang!’ pasti dia datang. Deng kalu kita parenta pa kita pe orang karja yang laeng, ‘Biking ini!’ pasti dia biking apa yang kita parenta itu.”