Lukas 7:44 - Perjanjian Baru Bahasa Melayu Maluku Utara

⁴⁴ Turus, Yesus balia pa parampuang itu, kong Dia bilang pa Simon, “Simon, ngana lia parampuang ini. Waktu Kita datang pa ngana pe ruma, ngana tara sadia aer untuk Kita la kase bersi kaki, sama deng torang biasa biking. Tapi parampuang ini, dia kase bersi Kita pe kaki pake dia pe aer mata kong dia lap kase kiring deng dia pe rambu.

Lukas 7:44 Iomraidhean Croise

Lukas 7:38

Dia badiri pa Yesus pe balakang, di dekat Yesus pe kaki, kong dia manangis. Dia kase basa Yesus pe kaki deng dia pe aer mata, turus dia lap kase kiring deng dia pe rambu. Dia ciom Yesus pe kaki, deng dia siram minya wangi itu palang-palang pa Yesus pe kaki.

Lukas 7:43

Simon jawab, “Orang yang paling banya dapa hapus dia pe utang kaapa.” Yesus bilang, “Ngana pe jawaban itu butul.”

Yohanes 13:5

Abis itu, Dia saleng aer di loyang satu kong Dia mulai cuci Dia pe murit-murit pe kaki. Turus, Dia lap dorang pe kaki deng kaeng yang Dia ada kase ika pa Dia pe pinggang itu.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

Yakobus 2:6

Tapi deng ngoni pili-pili orang bagitu, ngoni itu so hina pa orang-orang miskin. Padahal orang-orang kaya itu suda yang biking sengsara pa ngoni kong bawa di pengadilan untuk kase sala pa ngoni.