Lukas 7:43 - Perjanjian Baru Bahasa Melayu Maluku Utara

⁴³ Simon jawab, “Orang yang paling banya dapa hapus dia pe utang kaapa.” Yesus bilang, “Ngana pe jawaban itu butul.”

Lukas 7:43 Iomraidhean Croise

Matius 18:27

Pe dengar orang karja itu bilang bagitu, raja rasa kasiang pa dia, kong kase lapas pa dia, deng hapus dia pe utang.

Markus 12:34

Yesus lia dia jawab bagus, kong Yesus bilang pa dia bagini, “Ngana ini so mo siap jadi Tuhan Allah pe umat yang Dia Berkuasa sebagai Raja.” Abis itu, so tarada satu orang lagi yang barani mo batanya pa Yesus.

Lukas 10:38

Waktu Yesus deng Dia pe murit-murit sementara bajalang mo pigi di kota Yerusalem, dorang basingga di kampong satu. Di situ, ada parampuang satu yang pe nama Marta. Dia undang Yesus pigi pa dia pe ruma.

Lukas 7:42

Tapi dorang dua itu tara mampo kase pulang doi itu. Jadi orang yang kase pinjam doi itu hapus dorang pe utang. Skarang menurut ngana Simon, sapa dari dong dua itu yang lebe sayang pa orang yang kase pinjam doi?”

Lukas 7:44

Turus, Yesus balia pa parampuang itu, kong Dia bilang pa Simon, “Simon, ngana lia parampuang ini. Waktu Kita datang pa ngana pe ruma, ngana tara sadia aer untuk Kita la kase bersi kaki, sama deng torang biasa biking. Tapi parampuang ini, dia kase bersi Kita pe kaki pake dia pe aer mata kong dia lap kase kiring deng dia pe rambu.

Lukas 7:47

Karna itu, dengar bae-bae e, parampuang ini pe dosa yang banya itu so dapa ampun. Kong karna dia so dapa ampun, dia kase tunju dia pe sayang yang basar pa Kita. Tapi kalu orang yang pe dosa cuma sadiki, cuma sadiki lagi dia kase tunju dia pe sayang, karna cuma sadiki dia pe dosa yang dapa ampun.”