Lukas 7:41 - Perjanjian Baru Bahasa Melayu Maluku Utara

⁴¹ Kong Yesus bilang, “Ada dua orang yang bapinjam doi pa satu orang yang jaga kase pinjam doi. Satu orang pinjam lima ratus dinar, deng satu orang lagi pinjam lima pulu dinar.

Lukas 7:41 Iomraidhean Croise

Matius 18:28

Tapi waktu orang karja itu kaluar dari situ, dia baku dapa deng dia pe tamang karja. Tamang itu ada bautang pa dia doi perak saratus, itu cuma sadiki skali kalu mo kase banding deng dia pe utang pa raja. Tapi dia tangka pa dia pe tamang kong ramas dia pe tamang itu pe leher. Dia bilang pa dia pe tamang itu, ‘Woe, bayar suda ngana pe utang pa kita!’

Matius 6:12

Deng kase ampun torang pe sala, sama deng torang me kase ampun orang yang sala pa torang.

Markus 6:37

Tapi Yesus bilang pa dorang bagini, “Ngoni yang musti kase makang pa dorang!” Dorang jawab pa Yesus, “Ampun, orang pe banya bagini! Torang musti karja deng bulan-bulan dulu baru torang bisa dapa doi untuk bili dorang pe makanang bagitu banya!”

Lukas 11:4

Deng kase ampun torang pe dosa, karna torang me kase ampun tiap orang yang sala pa torang, kong jang kase biar torang tagoda biking barang yang jahat.’ ”

Lukas 12:48

Tapi orang karja yang tara tau dia pe tuang pe mau kong biking yang sala sampe musti dapa pukul, dia itu cuma mo dapa pukul sadiki. Karna sapa yang Tuhan Allah so kase banya kemampuan, nanti Tuhan Allah mo tuntut lebe dari yang laeng. Kong sapa yang Tuhan Allah so kase percaya banya, Tuhan Allah mo minta tanggung jawab lebe basar lagi pa dorang.”

Lukas 13:4

Deng ada lagi delapan blas orang yang mati tatindis deng menara yang rubu di dekat Siloam di kota Yerusalem. Ngoni kira dorang itu lagi mati karna biking dosa lebe banya dari orang-orang laeng yang ada di kota Yerusalem?

Lukas 7:40

Tapi Yesus bilang pa Simon bagini, “Simon, ada yang Kita mo bilang pa ngana.” Simon bilang, “Bilang suda, Guru.”

Lukas 7:47

Karna itu, dengar bae-bae e, parampuang ini pe dosa yang banya itu so dapa ampun. Kong karna dia so dapa ampun, dia kase tunju dia pe sayang yang basar pa Kita. Tapi kalu orang yang pe dosa cuma sadiki, cuma sadiki lagi dia kase tunju dia pe sayang, karna cuma sadiki dia pe dosa yang dapa ampun.”

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

Roma 5:20

Tuhan Allah kase aturan di lima kitab Musa supaya manusia tau persis, dorang so paling banya biking dosa. Tapi biar manusia pe dosa tamba banya, Tuhan Allah pe bae pa manusia lebe tamba banya.