Lukas 7:40 - Perjanjian Baru Bahasa Melayu Maluku Utara

⁴⁰ Tapi Yesus bilang pa Simon bagini, “Simon, ada yang Kita mo bilang pa ngana.” Simon bilang, “Bilang suda, Guru.”

Lukas 7:40 Iomraidhean Croise

Matius 26:49

Jadi bagitu rombongan itu sampe di situ, Yudas langsung badekat pa Yesus kong bilang, “Slamat malam Guru,” turus dia ciom pa Yesus.

Matius 7:22

Nanti di hari kiamat, banya orang yang mo bilang pa Kita bagini, ‘Tuhan! Tuhan! Torang ini so kase turus Tuhan Allah pe pasáng pake Tuhan Allah pe nama. Torang me so user setang dari orang-orang, pake Tuhan pe kuasa. Deng torang lagi so biking banya mujizat pake Tuhan pe kuasa.’

Lukas 18:18

Ada satu pemimpin agama Yahudi, dia tanya pa Yesus, “Guru yang bae, kita musti biking apa supaya kita bole dapa hidup deng Tuhan Allah slama-lamanya?”

Lukas 5:22

Tapi Yesus tau dorang pe pikiran. Kong Dia bilang bagini, “Bikiapa kong ngoni bapikir bagitu?

Lukas 5:31

Yesus dapa dengar dorang bicara bagitu, kong Dia bilang pa dorang bagini, “Bukang orang sehat yang perlu dokter, tapi orang saki.

Lukas 6:8

Tapi Yesus tau skali dorang pe pikiran. Kong Yesus bilang pa orang yang pe tangan sabla mati itu, “Mari ngana badiri di muka sini!” Turus, orang itu ka sana badiri di muka.

Lukas 7:39

Waktu Simon yang undang pa Yesus lia apa yang parampuang itu biking, dia bapikir dalam hati bagini, “Kalu memang Yesus butul-butul nabi, pasti Dia tau sapa parampuang yang ada bapegang pa Dia deng bagimana parampuang itu pe kalakuang. Dia pasti tau, parampuang itu parampuang tara bae.”

Lukas 7:41

Kong Yesus bilang, “Ada dua orang yang bapinjam doi pa satu orang yang jaga kase pinjam doi. Satu orang pinjam lima ratus dinar, deng satu orang lagi pinjam lima pulu dinar.

Yohanes 13:13

Ngoni pangge pa Kita ‘Guru’ deng ‘Tuhan’, kong memang itu butul skali, Kita ini ngoni pe Guru deng ngoni pe Tuhan.

Yohanes 16:19

Yesus tau, dorang mo batanya pa Dia. Jadi, Dia bilang pa dorang, “Ngoni ini ada baku-baku tanya tentang apa yang Kita bilang tadi to? Kita bilang, ‘So tara lama lagi ngoni tara lia lagi pa Kita. Kong abis itu, so tara lama lagi ngoni mo baku dapa ulang deng Kita.’

Yohanes 16:30

Skarang torang tau, Guru tau samua hal, kong orang so tara perlu mo tanya-tanya lagi pa Guru. Karna itu torang so percaya, Guru itu dari Tuhan Allah.”

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”