Lukas 7:36 - Perjanjian Baru Bahasa Melayu Maluku Utara

³⁶ Ada satu orang Yahudi dari aliran fanatik yang pe nama Farisi, dia pe nama Simon. Dia undang pa Yesus makang pa dia pe ruma. Yesus datang pa dia pe ruma, turus dudu makang di situ.

Lukas 7:36 Iomraidhean Croise

Lukas 11:37

Waktu Yesus abis bicara, ada satu orang Yahudi dari aliran Farisi datang kong undang pa Yesus la makang pa dia pe ruma. Jadi Yesus pigi kong makang di situ.

Lukas 14:1

Satu kali pas hari Sabat, hari yang orang agama Yahudi tara bole bakarja, Yesus pigi makang di orang aliran Farisi pe pemimpin satu pe ruma. Aliran Farisi itu yang pegang kuat agama Yahudi pe aturan sampe dorang jadi fanatik. Di situ, samua orang perhatikan turus pa Yesus untuk cari-cari Dia pe sala.

Lukas 7:34

Skarang, Kita Anak Manusia so datang. Kita tara bapuasa deng Kita me jaga minum anggur. Kong ngoni bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’

Lukas 7:35

Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Lukas 7:37

Di kampong itu, ada parampuang satu yang orang tau dia parampuang tara bae. Dia dengar Yesus ada makang di orang Farisi itu pe ruma. Kong dia datang di situ bawa minya wangi yang mahal skali dalam botol.