Lukas 7:24 - Perjanjian Baru Bahasa Melayu Maluku Utara

²⁴ Waktu Yohanes pe murit-murit so pigi, Yesus mulai bilang pa orang banya di situ tentang Yohanes. Dia bilang bagini, “Tuhari waktu Yohanes mangajar di padang gurun, tampa yang jao dari kampong, ngoni pigi pa dia mo bikiapa? Apa ngoni mo lia pa orang yang hari ini bicara laeng kong beso bicara laeng, sama deng rumpu yang bagoyang kasana-kamari karna angin tiop? Pasti tarada, to?

Lukas 7:24 Iomraidhean Croise

Lukas 1:80

Zakharia pe ana itu lebe hari lebe tamba basar, turus Tuhan biking dia pe hati lebe tamba kuat. Bagitu dia so basar, dia tinggal di padang gurun, tampa yang sunyi deng jao dari kampong, sampe dia mo biking pelayanan pa orang Israel, baru dia kase tinggal tampa itu.

Lukas 3:2

Yang jadi imam basar di agama Yahudi, dorang pe nama Hanas deng Kayafas. Waktu itu Tuhan Allah bicara pa Yohanes, Zakharia pe ana, di Yudea di padang gurun, tampa yang sunyi deng jao dari kampong.

Lukas 7:23

Kong Yesus suru bilang lagi pa Yohanes, “Orang yang tara tolak pa Kita kong percaya turus, dia itu yang paling sanang.”

Lukas 7:25

Atau untuk apa ngoni pigi ka sana? Apa ngoni mo lia orang yang ada pake baju bagus? Tantu tarada, to? Karna orang yang jaga pake baju bagus deng hidup sanang-sanang, dia pe tampa di raja pe istana.

Yohanes 1:23

Turus Yohanes kase tau pa dorang, “Kita ini suda yang nabi Yesaya bilang mo datang waktu dia kase turus Tuhan Allah pe pasáng bagini, ‘Nanti akan ada orang yang mo bicara kuat-kuat di padang gurun bagini: kase lurus jalang la sambut pa Tuhan!’ ”

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

2 Petrus 2:17

Guru-guru palsu pe ajaran itu tara ada guna. Dorang sama deng mata aer yang so kiring, sama lagi deng awan galap yang tara jadi ujang karna angin so tiop. Tuhan Allah so kase sadia tampa yang paling galap untuk hukum pa dorang.

2 Petrus 3:17

Jadi sudara-sudara yang kita sayang, ngoni so kamuka tau samua itu. Karna itu ngoni musti ati-ati deng guru-guru palsu yang jaga malawang Tuhan Yesus pe ajaran, supaya ngoni tara iko dong pe sala itu, tapi ngoni tetap percaya.