Lukas 7:21 - Perjanjian Baru Bahasa Melayu Maluku Utara

²¹ Waktu dorang datang itu, Yesus sementara kase sembu banya orang dari dong pe panyake macam-macam. Dia me user setang-setang dari orang-orang yang kemasukan. Deng Dia me ada kase sembu banya orang buta sampe dong bisa dapa lia lagi.

Lukas 7:21 Iomraidhean Croise

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Markus 3:10

Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia.

Markus 5:29

Waktu dia sontong Yesus pe juba, langsung dia pe pendarahan berenti kong dia rasa dia so sembu.

Markus 5:34

Kong Yesus bilang pa parampuang itu, “Ibu, skarang ibu so sembu karna ibu percaya pa Kita. Pulang suda deng hati tenang, ibu memang so butul-butul sembu.”

Lukas 7:20

Waktu dua orang itu sampe pa Yesus, dorang bilang bagini, “Yohanes Pembaptis, dia suru pa torang tanya pa Bapa bagini, ‘Bapa, Bapa ini suda yang Tuhan Allah janji mo datang itu? Atau torang musti tunggu yang laeng?’ ”

Ibrani 12:6

Barang, Kita ngoni pe Tuhan, Kita togor pa orang-orang yang Kita sayang, deng Kita kase hukuman untuk ajar pa orang-orang yang Kita anggap Kita pe ana-ana.”