Lukas 7:19 - Perjanjian Baru Bahasa Melayu Maluku Utara

¹⁹ Pe dengar itu, Yohanes pangge dia pe murit dua orang kong suru pigi pa Tuhan Yesus la tanya bagini, “Bapa, Bapa ini suda yang Tuhan Allah so janji mo datang itu? Atau torang musti tunggu yang laeng?”

Lukas 7:19 Iomraidhean Croise

Markus 6:7

Yesus pangge Dia pe murit dua blas orang, kong Dia utus pa dorang pigi dua-dua orang. Dia me kase kuasa pa dorang untuk user setang-setang.

Lukas 10:1

Abis itu, Tuhan Yesus pili tuju pulu orang dari orang-orang yang jaga iko pa Dia. Dia utus pa dorang dua-dua orang untuk pigi kamuka di kota-kota deng di tampa-tampa yang nanti Dia mo datang.

Lukas 11:1

Satu kali, Yesus ada berdoa di tampa satu. Bagitu abis berdoa, ada murit satu bilang pa Yesus bagini, “Guru, Yohanes ada kase ajar dia pe murit-murit berdoa. Jadi, torang me minta Guru kase ajar pa torang berdoa.”

Lukas 11:39

Tapi Tuhan Yesus bilang pa dia bagini, “Memang ngoni orang-orang Farisi. Dari luar, dapa lia ngoni rajin biking aturan agama, padahal di ngoni pe hati, ngoni ingin rampas orang laeng pe barang deng ngoni jahat skali. Itu sama deng orang yang jaga kase bersi galas deng piring cuma di luar, padahal bagian dalam kotor skali.

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Lukas 13:15

Kong Tuhan Yesus bilang pa orang itu, “Ee, ngoni orang-orang munafik! Biar itu hari Sabat lagi, ngoni jaga lapas ngoni pe sapi deng keledai dari kandang, kong pigi kase minum. Itu me karja to?

Lukas 17:5

Turus, Tuhan Yesus pe murit-murit yang orang sebut rasul itu, bilang bagini pa Tuhan Yesus, “Guru, kase tamba kuat ka torang pe percaya!”

Lukas 17:6

Kong Tuhan Yesus bilang pa dorang, “Kalu ngoni pe percaya itu ada, biar cuma kacil sama deng biji yang paling kacil, ngoni bole bilang pa pohong ara ini, ‘Pinda suda di laut kong tatanam di situ!’ Pasti pohong itu tapinda iko ngana pe parenta.”

Lukas 18:6

Turus Tuhan Yesus bilang, “Perhatikan bae-bae apa yang hakim tara adil itu bilang! Itu jadi pelajaran pa ngoni.

Lukas 19:8

Tapi Zakheus badiri kong bilang pa Tuhan Yesus, “Bapa, Kita mo kase stenga dari kita punya pa orang yang tarada apa-apa. Deng kalu ada orang yang kita so perna kase ruci, kita mo kase pulang pa dorang ampa kali lipa.”

Lukas 22:61

Kong, Tuhan Yesus haga pa Petrus. Turus Petrus dapa inga yang Tuhan Yesus perna bilang pa dia, malam itu sebelum ayam bakuku, dia so manyangkal tiga kali, bilang dia tara kanal pa Yesus.

Lukas 24:34

Kong dong dengar kabar dari kelompok itu bagini, “Memang butul, Tuhan Yesus so hidup ulang, Dia so kase tunju Dia pe diri pa Simon Petrus.”

Lukas 7:13

Waktu Tuhan Yesus lia pa ibu janda itu, Dia rasa kasiang. Turus Dia bilang pa ibu itu, “Ibu, jang manangis e!”

Lukas 7:20

Waktu dua orang itu sampe pa Yesus, dorang bilang bagini, “Yohanes Pembaptis, dia suru pa torang tanya pa Bapa bagini, ‘Bapa, Bapa ini suda yang Tuhan Allah janji mo datang itu? Atau torang musti tunggu yang laeng?’ ”

Yohanes 11:2

Maria itu yang siram minya wangi pa Tuhan Yesus pe kaki kong goso pake dia pe rambu.

Yohanes 4:1

Orang-orang Yahudi dari aliran Farisi dengar kabar, banya orang so iko pa Yesus, deng kata, Dia so baptis orang lebe banya dari Yohanes.

Yohanes 4:25

Turus parampuang itu bilang pa Yesus, “Kita tau, Mesias yang orang bilang Kristus itu akan datang. Dia itu Raja yang Tuhan Allah janji mo kase slamat pa manusia. Kong kalu Dia datang, Dia mo kase tau samua hal pa torang.”

Yohanes 6:23

Sementara itu, ada orang-orang laeng yang datang deng dorang pe parau-parau dari kota Tiberias. Dorang sampe di dekat tampa yang orang banya ada makang roti kalamaring, waktu Yesus abis bilang tarimakasi pa Tuhan Allah.

Wahyu 11:3

Kita akan utus dua orang untuk jadi Kita pe saksi, supaya dorang mo kase tau Kita pe pasáng tentang apa yang akan jadi nanti. Dorang mo kase tau pasáng itu pa orang-orang selama saribu dua ratus anam pulu ribu hari. Dorang akan pake baju duka karna sedi deng apa yang mo jadi di kota itu.”