Lukas 7:16 - Perjanjian Baru Bahasa Melayu Maluku Utara

¹⁶ Samua orang yang lia apa yang jadi itu, dorang tako kong puji deng hormat pa Tuhan Allah bagini, “Nabi basar satu so ada pa torang di sini! Tuhan Allah butul so datang untuk tolong pa Dia pe umat!”

Lukas 7:16 Iomraidhean Croise

Matius 15:31

Orang banya yang ada di situ jadi herang skali karna dorang lia orang mou so bole bicara, orang tempang so bae, orang lumpu so bisa bajalang, deng orang buta so bisa lia. Karna itu, dorang samua puji deng hormat pa Tuhan Allah, Tuhan yang orang Israel semba.

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Matius 28:8

Jadi, parampuang-parampuang itu langsung kase tinggal kubur itu. Dorang tako tapi dorang me rasa sanang skali. Dorang lari capat-capat la mo kase tau samua itu pa Yesus pe murit-murit.

Matius 9:8

Pe lia itu, orang banya itu jadi tako kong dorang puji deng hormat pa Tuhan Allah, barang Dia so kase kuasa yang basar itu pa manusia di dunia.

Lukas 1:65

Samua orang yang tinggal di dekat situ jadi herang deng tako. Kong samua yang jadi itu, orang-orang kase carita sampe di samua kota di daera Yudea yang babagunung.

Lukas 1:68

“Mari puji pa Tuhan Allah, orang Israel pe Tuhan! Barang, Dia so datang tolong pa Dia pe umat, orang-orang Israel, kong kase bebas pa dorang.

Lukas 19:44

Dorang mo kase ancor ngoni pe kota Yerusalem kong dorang mo bunu pa ngoni orang-orang yang ada tinggal di situ. Deng tara ada satu batu yang dong akan kase biar tasusun pa dia pe tampa. Ngoni pe kota akan ancor bagitu, karna ngoni tara tarima waktu Tuhan Allah datang pa ngoni untuk kase slamat pa ngoni.”

Lukas 2:20

Abis itu, gembala-gembala itu bale lagi pa dong pe domba-domba. Dorang puji deng hormat pa Tuhan Allah turus karna samua yang dorang dengar deng lia itu, sama persis deng yang malaekat bilang.

Lukas 24:19

Yesus tanya pa dorang, “Apa yang so jadi kong?” Dorang jawab, “Ini tentang apa yang jadi pa Yesus dari Nazaret, Dia itu Nabi, yang jaga kase turus Tuhan Allah pe pasáng. Dia ponong deng kuasa waktu Dia mangajar deng waktu Dia biking mujizat. Tuhan Allah deng samua orang me bilang apa yang Dia biking itu butul samua.

Lukas 5:26

Pe lia apa yang jadi itu, samua orang herang kong puji deng hormat pa Tuhan Allah. Kong deng rasa tako dorang bilang bagini, “Hari ini torang so lia Tuhan biking hal-hal yang hebat.”

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Lukas 7:15

Abis Yesus bilang bagitu, ana muda yang mati itu hidup ulang. Dia dudu, turus mulai bicara. Kong Yesus serakan ana itu pa dia pe mama.

Lukas 7:39

Waktu Simon yang undang pa Yesus lia apa yang parampuang itu biking, dia bapikir dalam hati bagini, “Kalu memang Yesus butul-butul nabi, pasti Dia tau sapa parampuang yang ada bapegang pa Dia deng bagimana parampuang itu pe kalakuang. Dia pasti tau, parampuang itu parampuang tara bae.”

Lukas 8:37

Kong samua orang di daera Gerasa bamohon pa Yesus supaya Dia kase tinggal dorang pe daera karna dorang samua so tako skali. Karna itu Yesus nae di parau kong balayar ulang.

Lukas 9:19

Dorang jawab, “Ada yang bilang, Guru itu Yohanes Pembaptis yang so hidup ulang. Ada yang bilang, Guru itu nabi Elia yang datang turung dari sorga. Ada lagi yang bilang, Guru itu satu dari nabi-nabi dulu yang hidup ulang.”

Yohanes 1:21

Turus, dorang bale batanya lagi “Kalu bagitu, ngana ini sapa? Ngana nabi Elia yang bale ulang di dunia ka bukang?” Yohanes jawab, “Bukang!” Turus dorang tanya lagi, “Ngana itu nabi yang jaga kase turus Tuhan Allah pe pasáng, yang Dia so janji dari dulu?” Yohanes balas jawab pa dorang, “Bukang!”

Yohanes 1:25

Kong dorang tanya pa dia, “Kalu ngana bukang Mesias, deng ngana bukang nabi Elia, deng ngana lagi bukang nabi yang mo datang itu, bikiapa kong sampe ngana baptis orang?”

Yohanes 4:19

Parampuang itu bilang pa Dia, “Oo, kita jadi tau skarang, Bapa ini nabi yang jaga kase turus Tuhan Allah pe pasáng.

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 9:17

Jadi dorang batanya ulang pa orang yang dulu buta itu, “Ngana ini yang Dia so kase sembu ngana pe mata to? Jadi menurut ngana, Dia itu sapa?” Dia jawab pa dorang, “Dia itu Nabi yang jaga kase turus Tuhan Allah pe pasáng pa orang-orang.”

Kisah Para Rasul 5:5

Waktu Ananias dengar Petrus bilang bagitu, Ananias langsung tabanting di tana kong mati. Samua orang yang dengar kejadian itu jadi tako skali.

Kisah Para Rasul 7:37

Musa ini lagi yang bilang pa orang-orang Israel bagini, ‘Tuhan Allah mo utus Nabi satu pa ngoni yang mo kase turus Tuhan Allah pe pasáng, sama deng Dia so utus pa kita jadi nabi. Orang itu satu dari torang orang Israel pe turunan.’

Galatia 1:24

Pe dengar itu, dorang puji deng hormat pa Tuhan Allah karna apa yang Tuhan Allah so biking dalam kita pe hidup.