Lukas 6:49 - Perjanjian Baru Bahasa Melayu Maluku Utara

⁴⁹ Tapi orang yang dengar apa yang Kita bilang kong dia tara biking, dia sama deng satu orang yang kase badiri ruma cuma di atas tana, tara di atas fandasi. Jadi waktu banjir datang, ruma itu langsung rubu kong rusak barát.”

Lukas 6:49 Iomraidhean Croise

Matius 23:3

Karna itu, ngoni musti dengar kong iko suda samua yang dorang ajar pa ngoni. Tapi jang ngoni iko dorang pe kalakuang, karna biar dorang ajar pa ngoni tapi dong sandiri tara biking itu.

Matius 24:10

Turus, banya orang yang percaya pa Kita so tara mo percaya lagi. Dorang mo baku binci deng serakan dong pe tamang la dapa siksa.

Markus 4:17

Tapi firman itu, dorang tara simpang bae-bae di dong pe hati, jadi tara batahang lama. Bagitu dorang dapa siksa deng menderita karna percaya firman itu, dorang langsung so tara percaya lagi pa Tuhan.

Lukas 12:47

Orang karja yang tau dia pe tuang pe mau kong tara basiap-siap atau tara biking apa yang dia pe tuang mau, dia itu mo dapa pukul hebat dari dia pe tuang.

Lukas 19:14

Tapi orang-orang yang tinggal satu daera deng dia itu, dorang binci pa dia. Jadi, waktu dia so barangkat, dong kirim dong pe utusan untuk bilang bagini, ‘Torang tara mau orang ini jadi torang pe raja.’

Lukas 19:27

Tapi skarang, samua kita pe musu yang tara suka kita dapa lantik jadi dorang pe raja, tangka pa dorang kong bawa kamari, turus bunu suda pa dorang di kita pe muka-muka!’ ”

Lukas 6:46

Yesus bilang lagi, “Bikiapa kong ngoni pangge pa Kita, ‘Tuhan, Tuhan’, padahal ngoni tara biking apa yang Kita bilang?

Lukas 6:48

orang pande itu kase badiri ruma. Dia gale tana dolom skali, baru biking fandasi dari batu yang kuat. Turus, dia kase badiri ruma di atas fandasi itu. Kong waktu banjir datang deng bage ruma itu, ruma itu tetap kuat karna ruma itu ada kase badiri di atas fandasi yang kuat.

Lukas 7:1

Waktu Yesus so abis bicara pa orang banya, Dia pigi di kota Kapernaum.

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Kisah Para Rasul 20:29

Kita tau kalu kita so kase tinggal pa ngoni nanti, ada orang-orang yang dong pe sifat sama deng anjing utang yang jahat mo maso pa ngoni pe tenga-tenga, kong dorang berusaha mo kase ancor jemaat yang ngoni jaga itu.

Kisah Para Rasul 26:11

Banya kali kita cari pa dorang di ruma-ruma ibada agama Yahudi. Kita siksa deng paksa pa dorang supaya dorang manyangkal pa Yesus. Kita tara suka skali deng ajaran itu, jadi kita salalu cari pa orang-orang yang percaya pa Yesus itu, sampe di kota-kota di luar torang orang Yahudi pe daera.”

1 Tesalonika 3:5

Jadi kita utus Timotius pa ngoni, karna kita rasa tara puas kalu tara dengar ngoni pe kabar. Kita mo cari tau kalu ngoni masi percaya turus pa Yesus ka so tarada. Kita hawater, jang sampe Iblis, setang-setang pe raja goda pa ngoni, kong ngoni so tara percaya lagi pa Yesus. Kalu sampe jadi bagitu, torang pe karja kase ajar Kabar Bae pa ngoni tarada dia pe guna.

2 Petrus 2:20

Kita pe maksut, kalu dorang itu so kanal pa Yesus Kristus torang pe Tuhan deng Juruslamat, dorang me so lapas dari dunia pe mau yang jahat. Tapi kalu dorang bale ulang untuk iko keinginan-keinginan yang jahat itu, dorang pe keadaan nanti mo lebe soe dari yang pertama.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.