Lukas 6:47 - Perjanjian Baru Bahasa Melayu Maluku Utara

⁴⁷ Orang yang datang pa Kita deng dengar yang Kita bilang kong biking itu, dia itu bole kase sama deng orang pande di umpama ini:

Lukas 6:47 Iomraidhean Croise

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Lukas 11:28

Tapi Yesus bilang pa dia, “Lebe sanang lagi orang yang suka badengar Tuhan Allah pe firman kong iko itu!”

Lukas 14:26

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Lukas 6:48

orang pande itu kase badiri ruma. Dia gale tana dolom skali, baru biking fandasi dari batu yang kuat. Turus, dia kase badiri ruma di atas fandasi itu. Kong waktu banjir datang deng bage ruma itu, ruma itu tetap kuat karna ruma itu ada kase badiri di atas fandasi yang kuat.

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Lukas 8:8

Tapi ada bibit laeng yang jatu di tana yang subur. Bibit itu batumbu deng babua banya skali sampe saratus kali lipa.” Abis bilang umpama itu, Yesus bilang lagi, “Dengar itu bae-bae kong simpang di hati!”

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Yohanes 13:17

Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 5:40

Tapi biar bagitu, ngoni tara mau datang pa Kita untuk dapa hidup deng Tuhan Allah slama-lamanya.

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.

1 Petrus 2:4

Datang suda pa Tuhan Yesus. Dia itu sama deng batu yang hidup, barang Dia yang biking manusia bole hidup. Dia itu sama deng batu yang manusia so buang, tapi Tuhan Allah pili Dia itu jadi sama deng batu fandasi yang paling penting.

2 Petrus 1:10

Jadi sudara-sudara, karna Tuhan Allah so pili deng pangge pa ngoni jadi Dia pe umat, ngoni musti berusaha karas untuk iko pa Dia supaya ngoni tau deng yakin Dia so pili deng pangge pa ngoni. Karna kalu ngoni biking samua yang bae yang kita bilang itu, ngoni tara akan kase tinggal ngoni pe percaya pa Dia, itu sama deng ngoni ada bajalang turus-turus kong ngoni pe kaki tara tagate di batu sampe jatu.

1 Yohanes 2:29

Ngoni tau Dia itu butul, jadi ngoni me musti tau, tiap orang yang jaga biking barang yang butul, orang itu so jadi Tuhan Allah pe ana.

1 Yohanes 3:7

Jadi, ngoni yang kita sayang sama deng kita pa ana-ana, ngoni jaga diri bae-bae, jang sampe orang tipu pa ngoni kong ngoni iko ajaran yang tara butul. Sapa yang biking barang yang butul, dia itu orang yang hidup butul sama deng Yesus Kristus itu butul.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.