Lukas 6:45 - Perjanjian Baru Bahasa Melayu Maluku Utara

⁴⁵ Bagitu lagi deng orang yang bae. Dia pe bicara, deng yang dia biking itu bae, karna yang ada di dia pe hati itu hal-hal yang bae. Tapi orang yang jahat, dia pe bicara deng yang dia biking itu jahat, karna yang ada di dia pe hati itu hal-hal yang jahat. Barang, apa yang orang bilang itu bae atau jahat, samua itu kaluar dari orang itu pe hati.”

Lukas 6:45 Iomraidhean Croise

Yohanes 7:38

Sapa saja yang percaya pa Kita, dia itu nanti mo dapa apa yang so tatulis di Kitab Suci bagini, ‘Dari dalam dia pe hati akan ada sama deng mata aer yang mangalir yang biking dia bole hidup deng Tuhan Allah slama-lamanya.’ ”

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Efesus 4:29

Kalu ngoni bicara, jang ada kata-kata tara bae kaluar dari ngoni pe mulu. Lebe bae, yang musti ngoni pake waktu bicara itu, kata-kata yang bisa kase kuat orang laeng pe hati, deng kata-kata yang perlu dorang dengar untuk dong pe bae.

Efesus 5:19

Deng ngoni baku kase kuat suda ngoni pe hati satu deng yang laeng pake lagu-lagu mazmur, lagu-lagu yang puji pa Tuhan, deng lagi lagu-lagu laeng yang Roh Kudus kase langsung pa ngoni. Ngoni manyanyi puji pa Tuhan suda deng hati yang sunggu-sunggu, jang cuma di mulu saja.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Kolose 4:6

Waktu ngoni bicara pa dorang, bicara bae-bae la dorang pe hati sanang deng dong suka dengar apa yang ngoni bilang. Kalu ngoni jaga bicara bae-bae bagitu, nanti ngoni akan tau apa yang pantas ngoni jawab pa tiap-tiap orang yang tanya tentang ngoni pe percaya.

Ibrani 8:10

Jadi ini suda janji yang baru yang Kita akan biking deng orang-orang bangsa Israel nanti: Kita mo taru Kita pe aturan-aturan pa dorang pe pikiran, deng Kita mo tulis itu di dorang pe hati. Kita akan jadi dorang pe Tuhan Allah, deng dorang akan jadi Kita pe umat.

Yudas 1:15

Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”