Lukas 6:42 - Perjanjian Baru Bahasa Melayu Maluku Utara

⁴² Jadi bagimana kong ngoni bisa bilang pa ngoni pe sudara, ‘Sudara e, mari kita kase kaluar ampas kayu dari ngana pe mata,’ padahal balak spanggal di ngoni pe mata sandiri, ngoni kase biar. Ee, ngoni orang munafik, kase kaluar dulu balak spanggal dari ngoni pe mata, baru ngoni bisa lia bae-bae, supaya ngoni bisa kase kaluar ampas kayu dari ngoni pe sudara pe mata.”

Lukas 6:42 Iomraidhean Croise

Matius 26:75

Kong Petrus dapa inga yang Yesus so perna bilang pa dia, sebelum ayam bakuku, dia so manyangkal tiga kali, bilang dia tara kanal pa Yesus. Petrus langsung kaluar kong manangis karna manyasal skali.

Matius 7:3

Ngoni jaga perhatikan orang laeng pe sala yang kacil, tapi ngoni pe sala yang basar ngoni kase badiam! Itu sama deng ampas kayu yang kacil di ngoni pe sudara pe mata, ngoni bisa lia, padahal balak spanggal yang ada pele ngoni pe mata sandiri, ngoni tara lia.

Matius 7:4

Jadi bagimana kong ngoni bisa bilang pa ngoni pe sudara, ‘Mari kita kase kaluar ampas kayu dari ngana pe mata’, padahal balak spanggal di ngoni pe mata sandiri, ngoni kase biar.

Lukas 13:15

Kong Tuhan Yesus bilang pa orang itu, “Ee, ngoni orang-orang munafik! Biar itu hari Sabat lagi, ngoni jaga lapas ngoni pe sapi deng keledai dari kandang, kong pigi kase minum. Itu me karja to?

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

Lukas 6:41

Ngoni jaga perhatikan orang laeng pe sala yang kacil, tapi ngoni pe sala yang basar ngoni kase badiam. Itu sama deng ampas kayu yang kacil di ngoni pe sudara pe mata, ngoni bisa lia, padahal balak spanggal yang ada pele ngoni pe mata sandiri, ngoni tara lia.

Lukas 6:43

Yesus bilang satu umpama lagi, “Pohong yang bagus tara mungkin babua tara bagus. Bagitu me pohong yang tara bagus, tara mungkin babua bagus.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Kisah Para Rasul 8:21

Ngana pe hati tara butul pa Tuhan Allah pe muka, jadi ngana tara bole iko sama-sama deng torang untuk kase tau Kabar Bae pa orang-orang.

Roma 2:1

Sudara-sudara, memang Tuhan Allah mo hukum pa samua orang yang jaga biking barang yang jahat macam tadi itu. Tapi ngoni me biking barang yang jahat itu, jadi ngoni tara ada alasan kase sala pa dorang. Karna kalu ngoni bilang dorang pantas Tuhan Allah hukum, itu sama saja deng ngoni so hukum ngoni pe diri sandiri.

2 Korintus 5:18

Samua itu, Tuhan Allah yang biking. Jadi waktu Yesus Kristus mati di kayu salib, Dia kase bae-bae ulang torang manusia pe hubungan deng Tuhan Allah. Kong Dia lagi yang kase percaya pa torang untuk bantu pa orang-orang la dorang jadi percaya pa Dia supaya dorang me pe hubungan deng Tuhan Allah jadi bae-bae ulang.

2 Timotius 2:21

Bagitu lagi deng anggota jemaat. Kalu ada yang berenti biking jahat, Tuhan mo pake orang itu untuk biking Dia pe tugas-tugas yang kusus. Tuhan biking orang itu jadi Dia pe umat sandiri, kong Tuhan sanang pake pa orang yang bagitu, karna orang itu so siap mo biking samua karja yang butul.

2 Petrus 1:9

Tapi orang-orang percaya yang tara biking samua itu, dorang pe cara bapikir pende, dorang itu lagi sama deng orang buta, karna dorang lupa Tuhan Allah so kase ampun dong pe dosa-dosa.