Lukas 6:27 - Perjanjian Baru Bahasa Melayu Maluku Utara

²⁷ “Tapi ngoni yang sementara dengar pa Kita skarang ini, Kita mo bilang pa ngoni bagini: ngoni musti sayang pa ngoni pe musu-musu deng biking yang bae pa orang yang binci pa ngoni.

Lukas 6:27 Iomraidhean Croise

Markus 4:24

Kong Yesus bilang lagi bagini, “Perhatikan bae-bae apa yang ngoni so dengar. Kalu ngoni inga bae-bae, Tuhan Allah mo biking la ngoni mangarti, deng Dia tamba biking sampe ngoni lebe mangarti.

Lukas 23:34

[Yesus berdoa, “Bapa, kase ampun pa dorang karna dong tara tau apa yang dong biking.”] Kong tentara-tentara cabu undi untuk tentukan sapa-sapa yang mo dapa Yesus pe baju.

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Lukas 6:35

Tapi jang ngoni bagitu! Ngoni musti sayang pa ngoni pe musu-musu deng biking yang bae pa dorang. Ngoni kase pinjam apa yang ngoni punya, kong tara usa harap dong mo kase pulang pa ngoni. Kalu ngoni biking bagitu, ngoni mo dapa upah basar. Deng kalu ngoni biking bagitu, ngoni mo jadi sama deng Tuhan Allah yang Paling Tinggi pe ana-ana. Barang, Tuhan Allah bae pa samua orang, biar dorang itu jahat atau tara tau batarimakasi.

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Lukas 8:18

Karna itu, dengar bae-bae apa yang Kita bilang ini. Barang, kalu orang tarima apa yang Kita bilang, nanti Tuhan Allah mo bantu dia mangarti lebe banya. Tapi orang yang tara tarima apa yang Kita bilang, apa yang dia anggap dia so mangarti, Tuhan Allah akan ambe dari dia.”

Lukas 8:8

Tapi ada bibit laeng yang jatu di tana yang subur. Bibit itu batumbu deng babua banya skali sampe saratus kali lipa.” Abis bilang umpama itu, Yesus bilang lagi, “Dengar itu bae-bae kong simpang di hati!”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 16:28

Tapi Paulus togor pa kapala penjara itu, “Ee bapa! Jang bunu diri! Torang samua masi ada di sini.”

Kisah Para Rasul 7:60

Turus, dia berlutut kong babilang pa Tuhan deng suara yang kuat bagini, “Tuhan, jang hukum pa dorang, gara-gara dorang biking dosa ini!” Abis bilang bagitu, langsung Stefanus putus napas.

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

1 Tesalonika 5:15

Perhatikan bae-bae, jang sampe ada orang yang balas orang pe jahat deng yang jahat. Tapi ngoni musti salalu berusaha biking yang bae di antara ngoni sandiri deng samua orang.

3 Yohanes 1:11

Gayus, kita pe sudara yang kita sayang, jang iko barang yang jahat, tapi iko barang yang bae. Sapa yang biking barang bae, dia itu Tuhan Allah pe umat. Tapi sapa yang biking barang yang jahat, dia itu bolong kanal pa Tuhan Allah.