Lukas 6:26 - Perjanjian Baru Bahasa Melayu Maluku Utara

²⁶ Kong ngoni yang dapa puji dari samua orang, cilaka suda ngoni, karna itu sama deng yang jadi dulu-dulu pa nabi-nabi yang tara butul. Dorang bilang kata, dong bawa Tuhan Allah pe pasáng, padahal tarada. Ngoni pe orang tua dulu-dulu jaga puji pa dorang.”

Lukas 6:26 Iomraidhean Croise

Matius 7:15

Yesus bilang lagi, “Ngoni musti ati-ati deng nabi-nabi palsu yang datang pa ngoni! Barang, dorang bilang kata, dorang itu orang yang jaga kase turus Tuhan Allah pe pasáng, padahal bukang. Dorang pura-pura bae sama deng domba, padahal dorang jahat sama deng anjing utang.

Lukas 6:25

Kong ngoni yang skarang ini kanyang, cilaka suda ngoni, karna nanti ngoni mo lapar. Kong ngoni yang skarang ini tatawa, cilaka suda ngoni, karna nanti ngoni mo sedi deng manangis.

Yohanes 15:19

Kalu misalnya ngoni ini sama deng dorang, pasti dorang sayang pa ngoni sama deng ngoni jadi dorang pe ana-ana. Tapi ngoni ini beda deng dorang. Kita pili pa ngoni supaya ngoni beda deng dorang, jadi dorang binci pa ngoni.

Yohanes 7:7

Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.