Lukas 6:23 - Perjanjian Baru Bahasa Melayu Maluku Utara

²³ Sanang suda waktu ngoni dapa itu deng basimore suda, karna Tuhan Allah so kase sadia ngoni pe upah basar di sorga. Barang, bagitu lagi yang dorang pe orang tua dulu-dulu biking pa nabi-nabi yang jaga kase turus Tuhan Allah pe pasáng.”

Lukas 6:23 Iomraidhean Croise

Matius 5:12

Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Lukas 1:41

Waktu Elisabet dengar Maria pe salam, ana yang ada pa Elisabet pe puru langsung bagará, kong Roh Kudus kuasai pa Elisabet.

Lukas 1:44

Tadi, waktu kita dengar ngana pe salam, kita pe ana dalam puru ini langsung bagará, barang dia sanang.

Lukas 6:35

Tapi jang ngoni bagitu! Ngoni musti sayang pa ngoni pe musu-musu deng biking yang bae pa dorang. Ngoni kase pinjam apa yang ngoni punya, kong tara usa harap dong mo kase pulang pa ngoni. Kalu ngoni biking bagitu, ngoni mo dapa upah basar. Deng kalu ngoni biking bagitu, ngoni mo jadi sama deng Tuhan Allah yang Paling Tinggi pe ana-ana. Barang, Tuhan Allah bae pa samua orang, biar dorang itu jahat atau tara tau batarimakasi.

Kisah Para Rasul 14:10

Paulus bilang kuat-kuat pa orang itu, “Badiri suda!” Turus orang itu langsung badiri kong mulai bajalang kasana-kamari.

Kisah Para Rasul 3:8

Dia balumpa sampe badiri, kong bajalang kasana-kamari. Turus dia iko pa dorang maso di Ruma Ibada Pusat pe kompleks. Dia bajalang deng babalumpa deng puji pa Tuhan Allah.

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Roma 5:3

Kong bukang cuma itu saja, torang me sanang lagi waktu torang dapa siksa, karna torang tau, siksa itu biking torang jadi batahang percaya.

2 Korintus 12:10

Jadi, kita sanang saja, biar lagi kita rasa kita tara kuat, dapa siksa, menderita, dapa aniaya deng sengsara. Barang waktu kita tara kuat, waktu itu suda, Yesus Kristus biking kita mampo hadapi samua itu.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

2 Timotius 2:12

Kalu torang menderita kong tetap percaya pa Tuhan Yesus, nanti torang akan berkuasa sama-sama deng Dia. Kalu torang manyangkal pa Dia, Dia me akan manyangkal pa torang.

Ibrani 11:26

Musa lebe suka batahang deng hina yang dia dapa karna dia iko Tuhan Allah pe mau, daripada tetap tinggal di Mesir untuk jadi orang kaya. Barang, Musa percaya Tuhan Allah pe janji untuk utus pa Mesias, Raja yang akan kase slamat pa manusia, kong dia tunggu-tunggu upah yang Tuhan Allah mo kase nanti di sorga.

Ibrani 11:6

Tara mungkin orang mo biking Tuhan Allah pe hati sanang, kalu dia tara percaya pa Tuhan Allah. Barang, sapa saja yang mo datang pa Tuhan Allah, dia musti yakin Tuhan Allah ada, deng dia lagi musti yakin, Tuhan Allah mo kase hal-hal yang bae pa orang-orang yang butul-butul cari pa Dia.

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.

Wahyu 2:17

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, nanti Kita kase pa dia makanang dari sorga yang orang sebut manna yang tasambunyi. Nanti Kita mo kase lagi pa dia batu puti satu yang ada tatulis dia pe nama baru. Nama baru itu, cuma orang yang tarima batu itu saja yang tau, orang laeng tara tau.’ ”

Wahyu 2:26

Sapa yang menang dari pengaru jahat, deng tetap biking apa yang Kita suru sampe dunia kiamat, Kita mo kase pa dia kuasa untuk berkuasa pa suku-suku bangsa.

Wahyu 2:7

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, Kita mo kase pa dorang hak untuk makang bua dari pohong kehidupan yang ada di Tuhan Allah pe taman Firdaus.’ ”

Wahyu 21:7

Sapa yang menang dari pengaru jahat, dia mo dapa samua yang Kita bilang tadi. Deng Kita mo jadi dia pe Tuhan Allah, kong dia mo jadi Kita pe ana.

Wahyu 3:12

Sapa yang menang dari pengaru jahat, Kita akan biking dong tinggal di Tuhan Allah pe Ruma di sorga slama-lamanya. Sama deng satu tiang yang kuat skali di ruma yang biking ruma tetap kuat, tarada satu yang bisa kase kaluar pa dorang lagi. Pa dorang pe badan, Kita akan tulis Tuhan Allah pe nama. Kong Kita mo tulis pa dong lagi Tuhan Allah pe kota pe nama, kota Yerusalem Baru. Kota itu Tuhan Allah akan kase turung dari sorga. Turus Kita mo tulis lagi pa dorang itu Kita pe nama baru.

Wahyu 3:5

Orang yang menang dari pengaru jahat, dorang akan pake baju puti itu. Kita tara mo hapus dorang itu pe nama dari buku kehidupan. Buku itu yang ada tulis nama-nama orang yang hidup deng Kita slama-lamanya. Nanti waktu Kita badiri di Kita pe Bapa deng Dia pe malaekat-malaekat pe muka, Kita mo bilang dorang ini memang iko pa Kita.