Lukas 6:13 - Perjanjian Baru Bahasa Melayu Maluku Utara

¹³ Pe beso pagi, Yesus pangge pa orang-orang yang jaga iko pa Dia, kong Dia pili dua blas orang dari dorang. Dua blas orang itu yang jadi Dia pe utusan-utusan yang Dia sebut rasul-rasul. Ini dorang pe nama-nama:

Lukas 6:13 Iomraidhean Croise

Matius 10:2

Dua blas murit itu jadi Dia pe utusan-utusan, yang orang sebut rasul. Ini dorang pe nama-nama: yang pertama nama Simon (dia pe nama laeng, Petrus), Andreas (Simon pe sudara kandung), Yakobus deng Yohanes (Zebedeus pe ana-ana),

Matius 19:28

Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel.

Matius 9:36

Waktu Yesus lia pa orang banya itu, Dia rasa kasiang pa dorang. Barang, dorang pe susa banya deng dorang ilang smangat, sama deng domba yang tarada gembala untuk jaga pa dorang.

Markus 6:30

Yesus pe murit-murit yang Dia so utus itu bale kong bakumpul sama-sama deng Dia. Turus dorang kase tau pa Yesus samua yang dorang so biking deng yang dorang so kase ajar.

Markus 6:7

Yesus pangge Dia pe murit dua blas orang, kong Dia utus pa dorang pigi dua-dua orang. Dia me kase kuasa pa dorang untuk user setang-setang.

Lukas 11:49

Samua itu jadi, karna Tuhan Allah yang paling tau, dulu Dia perna bilang bagini, ‘Kita mo utus Kita pe nabi-nabi deng utusan-utusan pigi kase turus Kita pe pasáng pa orang-orang Israel, kong orang-orang Israel itu yang mo bunu pa dorang sebagian, deng ada laeng lagi dorang mo siksa.’

Lukas 22:30

Deng bagitu, waktu Kita Berkuasa sebagai Raja pa Kita pe umat, ngoni bole makang minum di meja sama-sama deng Kita. Kong, ngoni akan dudu di atas kursi raja untuk adili pa dua blas suku bangsa Israel.”

Lukas 6:14

Simon (yang biasa Yesus pangge Petrus), Andreas (Simon pe sudara), Yakobus, Yohanes, Filipus, Bartolomeus,

Yohanes 4:33

Kong Dia pe murit-murit baku tanya, “Sapa yang so datang bawa makanang pa Dia?”

Kisah Para Rasul 1:13

Waktu dorang sampe di kota Yerusalem, dorang pigi di ruma yang dong tinggal kong nae ka atas di tingkat. Dorang itu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (Alfeus pe ana), Simon (dari gerakan Yahudi Merdeka) deng Yudas (Yakobus pe ana).

Efesus 2:20

Skarang torang yang so jadi Tuhan Allah pe keluarga bole kase sama deng ruma yang Tuhan Allah ada kase badiri. Kong kalu orang kase badiri satu ruma, musti taru kamuka batu yang paling penting di fandasi itu untuk kase kuat ruma itu. Kristus Yesus itu bole kase sama deng batu yang paling penting di fandasi itu. Kong ada Yesus Kristus pe utusan yang orang sebut rasul-rasul, deng ada lagi nabi-nabi yang jaga kase turus Tuhan Allah pe pasáng, dorang itu bole kase sama deng ruma pe tiang-tiang.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

2 Petrus 3:2

Ngoni musti inga Tuhan Allah pe pasáng yang dulu Dia pe nabi-nabi so perna kase tau. Ngoni me musti inga parenta dari torang pe Tuhan Yesus yang kase slamat pa torang. Parenta itu, Yesus pe utusan-utusan yang orang sebut rasul ada kase tau pa ngoni.

Wahyu 12:1

Abis itu, kita lia tanda yang luar biasa di langit: ada parampuang satu yang dia pe badan tabungkus deng matahari, kong dia badiri di atas bulan. Parampuang itu pake makota satu yang ada biking dari bintang dua blas.

Wahyu 18:20

Abis itu, ada suara yang bilang bagini, “Ee ngoni yang hidup di sorga, sanang suda ngoni, barang kota Babel itu Tuhan Allah so hukum. Sanang suda ngoni orang-orang yang so jadi Tuhan Allah pe umat, ngoni Tuhan pe utusan-utusan yang orang sebut rasul-rasul, deng ngoni nabi-nabi yang jaga kase turus Tuhan Allah pe pasáng! Barang, Tuhan Allah so kase hukuman pa kota itu karna samua kajahatan yang orang-orang di kota itu perna biking pa ngoni.”

Wahyu 21:14

Pagar tembok di kota itu ada kase badiri di atas dua blas batu fandasi basar. Di tiap batu itu, masing-masing ada tatulis Anak Domba itu pe dua blas rasul pe nama-nama.