Lukas 5:4 - Perjanjian Baru Bahasa Melayu Maluku Utara

⁴ Abis mangajar, Yesus bilang pa Simon, “Simon, panggayung ka lao di dolom, kong lapas ngana pe jala di situ la dapa ikang.”

Lukas 5:4 Iomraidhean Croise

Matius 17:27

Bagitu lagi deng torang, tong ini Tuhan Allah pe ana-ana, jadi sebenarnya tong tara usa bayar pajak untuk Tuhan Allah pe Ruma Ibada. Tapi supaya dorang tara tersinggung, ngana pigi suda di talaga la mangael ikang. Ambe ikang yang pertama skali ngana dapa, kong buka dia pe mulu. Di situ ngana mo dapa doi yang cukup untuk bayar torang dua pe pajak untuk Ruma Ibada Pusat. Ngana ambe suda doi itu kong bayar tong dua pe pajak.”

Lukas 5:5

Simon bilang, “Guru, so satu malam anteru torang berusaha cari ikang, tapi tong tara dapa apa-apa. Tapi skarang, karna Guru yang suru, kita akan lapas ulang jala ini.”

Yohanes 21:6

Kong Yesus bilang pa dorang, “Kase lempar suda ngoni pe jala di parau pe sabla kanan, ngoni akan dapa ikang.” Kong dorang kase lempar dorang pe jala, turus dorang tarik jala itu tapi dorang tara mampo hela jala itu, barang ikang yang dorang dapa itu banya skali.