Lukas 5:29 - Perjanjian Baru Bahasa Melayu Maluku Utara

²⁹ Abis itu, Lewi biking acara basar pa dia pe ruma untuk undang Yesus makang di situ. Dia undang lagi banya tukang tagi pajak deng tamu-tamu laeng untuk makang sama-sama.

Lukas 5:29 Iomraidhean Croise

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Matius 5:46

Kalu ngoni cuma sayang pa orang yang sayang pa ngoni, apa yang ngoni mo dapa? Jang ngoni baharap Tuhan Allah mo kase apa-apa pa ngoni. Tukang tagi pajak yang paling berdosa me sayang pa orang yang sayang pa dorang.

Matius 9:10

Abis itu, Yesus deng Dia pe murit-murit pigi makang di Matius pe ruma. Di situ me ada banya tukang tagi pajak deng orang laeng yang orang anggap dong itu orang-orang berdosa. Dorang dudu makang sama-sama deng Yesus deng Dia pe murit-murit.

Matius 9:9

Abis itu, Yesus pigi kase tinggal tampa itu, kong Dia dapa lia ada tukang tagi pajak satu dudu bakarja pa dia pe tampa batagi pajak. Orang itu pe nama Matius. Kong Yesus bilang pa dia, “Mari iko pa Kita.” Pe dengar bagitu, Matius badiri kong iko pa Yesus.

Markus 2:15

Kong Yesus deng Dia pe murit-murit pigi makang di Lewi pe ruma. Di situ me ada banya tukang tagi pajak deng orang laeng yang orang anggap dong itu orang-orang berdosa. Dorang dudu makang sama-sama deng Yesus deng Dia pe murit-murit, barang waktu itu ada banya orang iko pa Yesus.

Lukas 15:1

Satu kali sama deng biasa, ada banya tukang tagi pajak deng orang-orang laeng yang orang anggap berdosa, dorang datang pa Yesus untuk dengar Dia pe ajaran.

Yohanes 12:2

Jadi, orang-orang di kampong itu biking acara makang-makang untuk hargai pa Yesus. Waktu itu, Marta yang layani pa dorang. Kong Lazarus dudu makang sama-sama deng Yesus deng orang-orang yang datang di situ.

1 Korintus 10:27

Kalu orang yang bolong percaya pa Tuhan undang ngoni makang, kong ngoni datang, makang saja apa yang dia kase. Tara perlu ngoni cari tau dulu kalu makanang itu dong so kase pa dong pe puji-puji ka tarada. Kalu ngoni tara cari tau itu, ngoni pe hati tara rasa bersala waktu makang makanang itu.