Lukas 5:24 - Perjanjian Baru Bahasa Melayu Maluku Utara

²⁴ Jadi skarang Kita mo kase sembu pa dia, supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang lumpu itu, “Kita bilang pa bapa, bangun suda, angka bapa pe tikar, kong pulang suda pa bapa pe ruma!”

Lukas 5:24 Iomraidhean Croise

Matius 16:13

Yesus deng Dia pe murit-murit sampe di daera dekat kota Kaisarea Filipi. Di situ, Yesus batanya pa Dia pe murit-murit, “Yang ngoni dengar, orang-orang jaga bilang Anak Manusia ini sapa?”

Matius 25:31

Yesus bilang lagi, “Anak Manusia yang dari sorga mo datang ulang deng Dia pe kuasa yang luar biasa deng samua malaekat sama-sama deng Dia, kong Dia mo dudu di kursi raja yang luar biasa.

Matius 26:64

Turus Yesus jawab, “Bapa sandiri so bilang bagitu. Tapi Kita bilang pa ngoni, nanti ngoni mo lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong datang di atas awan-awan di langit.”

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Matius 4:24

Dari situ, kabar tentang Yesus tasiar sampe di samua tampa di daera Siria. Jadi, dong bawa banya orang saki pa Dia. Orang-orang saki yang dong bawa pa Yesus itu pe panyake macam-macam: ada yang sengsara karna rasa saki, ada yang kemasukan setang, ada yang mati-mati ayam, deng ada yang lumpu, kong Yesus kase sembu pa dorang samua itu.

Matius 9:6

Jadi skarang Kita mo kase sembu pa dia, supaya ngoni tau, di dunia ini Anak Manusia yang dari sorga ada kuasa lagi untuk kase ampun orang pe dosa.” Turus Yesus bilang pa orang yang lumpu itu, “Bangun suda, angka ngana pe tikar, kong pulang suda pa ngana pe ruma!”

Lukas 5:13

Turus, Yesus pegang pa orang itu kong bilang, “Kita mau ngana sembu. Jadi skarang ngana sembu suda!” Waktu itu suda, orang itu pe lepra langsung ilang.

Lukas 5:18

Kage, ada babarapa orang lagi yang bawa pa satu orang lumpu yang dong ada kase tidor di atas tikar. Dorang berusaha bawa maso pa orang lumpu itu la taru pa Yesus pe muka.

Lukas 5:23

Waktu Kita bilang pa orang lumpu ini, ‘Bapa pe dosa so dapa ampun’, ngoni ragu kalu orang itu pe dosa so dapa ampun. Tapi kalu Kita bilang, ‘Bangun kong bajalang suda’, ngoni bisa tau Kita ada kuasa karna nanti ngoni lia dia bajalang.

Lukas 7:14

Dia badekat pa orang yang pikul orang mati itu kong Dia pegang pamikul orang mati. Kong orang-orang yang bapikul itu berenti. Turus Yesus bilang bagini, “Nyong! Kita bilang pa ngana, bangun suda!”

Lukas 8:54

Abis itu Yesus pegang ana itu pe tangan deng bilang bagini, “Ana e, bangun suda!”

Yohanes 11:43

Abis Yesus bilang bagitu, Dia pangge pa Lazarus kuat-kuat, “Lazarus, kaluar kamari!”

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Yohanes 3:13

Tara ada satu orang yang so perna nae di sorga, kacuali Anak Manusia yang turung dari sorga kong kase tau pa ngoni tentang apa yang jadi di sorga.

Yohanes 5:27

Bapa so kase kuasa pa Dia pe Anak untuk adili orang, karna Dia pe Anak itu Anak Manusia yang dari sorga suda.

Kisah Para Rasul 14:10

Paulus bilang kuat-kuat pa orang itu, “Badiri suda!” Turus orang itu langsung badiri kong mulai bajalang kasana-kamari.

Kisah Para Rasul 5:31

Yesus itu suda yang Tuhan Allah so angka kong taru di tampa yang terhormat pa Tuhan Allah pe sabla kanan. Skarang Yesus so jadi Pemimpin deng yang kase slamat pa torang orang Israel, supaya torang bertobat kong iko pa Tuhan Allah, deng bagitu Tuhan Allah mo kase ampun pa torang.

Kisah Para Rasul 9:34

Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!” Waktu itu suda, Eneas langsung bangun.

Kisah Para Rasul 9:40

Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu.

Wahyu 1:13

Turus di tuju tiang lampu itu pe tenga-tenga, ada orang satu badiri. Orang itu sama deng Anak Manusia yang dari sorga. Dia pe juba panjang sampe di kaki kong Dia pe dada ada lingkar deng tali mas.