Lukas 5:22 - Perjanjian Baru Bahasa Melayu Maluku Utara

²² Tapi Yesus tau dorang pe pikiran. Kong Dia bilang bagini, “Bikiapa kong ngoni bapikir bagitu?

Lukas 5:22 Iomraidhean Croise

Matius 12:25

Tapi Yesus tau dorang pe pikiran, kong Dia kase umpama satu bagini pa dorang, “Kalu dalam satu kerajaan baku malawang kong tapisa-pisa, pasti kerajaan itu akan ancor. Kong kalu dalam satu kota atau dalam satu ruma tangga baku malawang kong tapisa-pisa, so pasti lagi akan ancor.

Matius 9:4

Tapi Yesus tau dorang pe pikiran, kong Dia bilang pa dorang bagini, “Bikiapa kong ngoni bapikir yang jahat?

Markus 8:17

Tapi Yesus dapa tau apa yang dorang ada baku bilang itu, jadi Dia bilang pa dorang, “Ngoni kira Kita bicara bagitu barang ngoni tara bawa roti? Wah, berarti ngoni masi kurang percaya pa Kita!

Lukas 24:38

Tapi Yesus bilang pa dorang, “Bikiapa kong ngoni tako deng ngoni ragu di ngoni pe hati?

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”

Lukas 5:23

Waktu Kita bilang pa orang lumpu ini, ‘Bapa pe dosa so dapa ampun’, ngoni ragu kalu orang itu pe dosa so dapa ampun. Tapi kalu Kita bilang, ‘Bangun kong bajalang suda’, ngoni bisa tau Kita ada kuasa karna nanti ngoni lia dia bajalang.

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Ibrani 4:12

Barang, Tuhan Allah pe firman itu hidup deng ada kuasa. Firman itu bisa nilai samua torang pe pikiran deng torang pe maksut yang ada di torang pe hati. Tara ada satu yang bisa torang sambunyi. Firman itu lebe tajam dari parang yang muka-balakang tajam skali. Itu kalu kase pake bapotong, bisa sampe kase tabuka isi deng tulang-tulang samua.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.