Lukas 5:20 - Perjanjian Baru Bahasa Melayu Maluku Utara

²⁰ Waktu Yesus lia orang lumpu pe tamang-tamang biking bagitu, Yesus tau dorang percaya pa Dia. Kong Yesus bilang pa orang lumpu itu, “Bapa, bapa pe dosa so dapa ampun.”

Lukas 5:20 Iomraidhean Croise

Matius 9:2

Kage bagini, ada babarapa orang bawa orang lumpu satu pa Yesus yang dong ada kase tidor di atas tikar. Waktu Yesus lia apa yang dorang biking itu, Dia tau dorang percaya pa Dia. Jadi Yesus bilang pa orang lumpu itu, “Sudara, ngana sanang suda. Ngana pe dosa so dapa ampun.”

Matius 9:5

Waktu Kita bilang pa orang lumpu ini, ‘Ngana pe dosa so dapa ampun’, ngoni ragu kalu orang itu pe dosa so dapa ampun. Tapi kalu Kita bilang, ‘Bangun kong bajalang suda’, ngoni bisa tau Kita ada kuasa karna nanti ngoni lia dia bajalang.

Markus 2:5

Waktu Yesus lia apa yang dorang biking, Yesus tau dorang percaya pa Dia. Kong Dia bilang pa orang lumpu itu, “Sudara, ngana pe dosa so dapa ampun.”

Lukas 7:48

Abis itu, Yesus bilang pa parampuang itu, “Ngana pe dosa so dapa ampun!”

Yohanes 2:25

Kong tara perlu lagi orang kase tau pa Dia tentang manusia, karna Dia tau manusia pe dalam hati.

Yohanes 5:14

Kong tara lama Yesus baku dapa lagi deng dia di Ruma Ibada Pusat pe kompleks kong bilang pa dia, “Inga e, bapa so sembu. Jang biking dosa lagi supaya jang ada yang lebe tara bae yang mo jadi pa bapa.”

Kisah Para Rasul 11:23

Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.

Kisah Para Rasul 14:9

Dia dudu badengar Paulus mangajar. Paulus perhatikan pa dia. Turus Paulus tau dia percaya pa Yesus, jadi dia bole dapa sembu.

2 Korintus 2:10

jadi skarang, kita bilang pa ngoni, jang hukum lagi pa dia. Kalu ngoni kase ampun orang yang biking sala pa ngoni, kita me kase ampun pa dia. Kong kalu memang ada yang musti kita kase ampun, pasti kita kase ampun. Kita kase ampun orang itu untuk ngoni pe bae, kong Yesus Kristus yang jadi saksi kita kase ampun pa orang itu.

Kolose 3:13

Kalu ada orang yang biking sala pa ngoni, ngoni musti tahang jang sampe mara, deng kalu ada yang taru dendam pa ngoni, jang ngoni simpang hati, tapi ngoni musti baku kase ampun. Inga! Tuhan Allah so kase ampun ngoni pe dosa, jadi ngoni lagi musti kase ampun orang yang biking sala pa ngoni.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”