Lukas 5:2 - Perjanjian Baru Bahasa Melayu Maluku Utara

² Waktu itu, Yesus lia ada dua parau di pinggir talaga. Orang-orang yang bajala di parau itu so abis bajala. Dorang so turung dari parau kong ada sementara kase bersi dong pe jala.

Lukas 5:2 Iomraidhean Croise

Matius 4:18

Satu kali bagini, Yesus ada bajalang iko di talaga Galilea pe pinggir, kong Dia dapa lia dua orang ade kaka. Yang satu dia pe nama Simon, yang orang biasa pangge pa dia Petrus, deng yang satu lagi dia pe nama Andreas. Dorang dua ada bajala ikang di talaga, barang dong pe karja bacari ikang.

Matius 4:21

Abis itu, Yesus bajalang lagi kong Dia dapa lia dua orang ade kaka lagi. Yang satu dia pe nama Yakobus, yang satu lagi pe nama Yohanes. Dorang dua ada sama-sama deng dong pe papa Zebedeus kase bae-bae dong pe jala dalam parau. Kong Yesus pangge pa dong dua.

Markus 1:16

Satu kali bagini, Yesus bajalang iko di talaga Galilea pe pinggir. Kong Dia dapa lia dua orang ade kaka, dorang pe nama Simon deng Andreas. Dorang dua ada bajala ikang di talaga, barang dong pe karja bacari ikang.

Markus 1:19

Abis itu, Yesus bajalang ka sana sadiki lagi, kong Dia dapa lia pa Yakobus deng dia pe sudara Yohanes. Dorang dua ini Zebedeus pe ana-ana. Dorang dua ada kase bae-bae dong pe jala dalam parau.

Lukas 5:1

Satu kali, Yesus badiri di talaga Genesaret pe pinggir, kong banya orang baku-baku gepe la mo dengar Tuhan Allah pe firman.

Lukas 5:3

Turus Yesus nae di satu parau itu. Parau itu Simon pe parau. Dia minta Simon tola parau itu ka lao sadiki. Turus Dia dudu di parau itu kong mulai mangajar pa orang banya yang ada di pinggir talaga.

Yohanes 1:40

Dari dua orang yang dengar Yohanes pe bicara kong langsung iko pa Yesus, ada satu orang yang pe nama Andreas. Andreas ini Simon Petrus pe sudara.