Lukas 5:12 - Perjanjian Baru Bahasa Melayu Maluku Utara

¹² Satu kali, Yesus pigi di satu kota, kong di situ ada satu orang yang panyake lepra. Orang ini lepra satu badan. Waktu orang ini lia pa Yesus, dia berlutut kong bamohon bagini, “Bapa, kalu Bapa mau, Bapa bole kase sembu pa kita.”

Lukas 5:12 Iomraidhean Croise

Matius 26:6

Waktu Yesus di kampong Betania, Dia basingga pa Simon pe ruma. Simon ini dulu perna dapa saki lepra.

Matius 9:28

Waktu Yesus maso di ruma satu, dua orang buta itu datang pa Dia. Kong Yesus tanya pa dorang, “Ngoni percaya Kita bole kase sembu pa ngoni?” Dorang jawab, “Iyo Bapa, torang percaya.”

Markus 5:23

Yairus bamohon deng hati yang sunggu-sunggu pa Yesus, dia bilang bagini, “Bapa, tolong pa kita pe ana parampuang ka. Dia ada saki barát, amper mati. Bapa datang dulu di ruma la taru Bapa pe tangan pa dia, supaya dia sembu deng tetap hidup.”

Lukas 17:16

Turus dia berlutut di Yesus pe kaki kong bilang tarimakasi pa Yesus. Dia itu orang Samaria.

Lukas 5:13

Turus, Yesus pegang pa orang itu kong bilang, “Kita mau ngana sembu. Jadi skarang ngana sembu suda!” Waktu itu suda, orang itu pe lepra langsung ilang.

Ibrani 7:25

Kong karna Dia Imam slama-lamanya, Dia ada kuasa kase slamat pa orang-orang yang mau datang pa Tuhan Allah, dari skarang sampe slama-lamanya. Dia kase slamat pa torang, barang Dia hidup slama-lamanya untuk kase berdoa pa torang pa Tuhan Allah.