Lukas 5:1 - Perjanjian Baru Bahasa Melayu Maluku Utara

¹ Satu kali, Yesus badiri di talaga Genesaret pe pinggir, kong banya orang baku-baku gepe la mo dengar Tuhan Allah pe firman.

Lukas 5:1 Iomraidhean Croise

Matius 11:12

Mulai dari Yohanes Pembaptis datang sampe skarang, ada orang-orang jahat yang malawang pa orang-orang yang so jadi Tuhan Allah pe umat supaya jang percaya lagi pa Tuhan Allah, deng dorang berusaha kuasai pa orang-orang itu.

Matius 14:34

Bagitu Yesus deng Dia pe murit-murit sampe di sabla talaga, dorang balabu di daera Genesaret.

Markus 3:9

Pe banya orang yang datang, sampe Yesus suru pa Dia pe murit-murit kase sadia parau satu, la Dia mo nae, supaya Dia tara tadempet deng orang banya itu.

Markus 4:1

Satu kali bagini, Yesus mangajar ulang di talaga Galilea pe pinggir. Di situ banya skali orang datang kong bakumpul pa Dia. Jadi Dia nae di parau yang ada balabu, kong dudu di situ, deng orang banya itu tetap ada di pinggir talaga.

Markus 5:24

Pe dengar itu, Yesus pigi iko pa Yairus. Waktu dorang bajalang, orang banya iko pa Yesus sampe dorang baku-baku gepe.

Markus 6:53

Bagitu Yesus deng Dia pe murit-murit sampe di sabla talaga, dorang balabu di daera Genesaret.

Lukas 12:1

Waktu itu, ada orang deng ribu yang datang bakumpul pa Yesus. Dorang datang baku-baku gepe sampe dorang baku-baku injang. Kong waktu itu suda, Yesus mulai mangajar. Pertama Dia mangajar pa Dia pe murit-murit, Dia bilang, “Ngoni ati-ati deng orang-orang dari aliran Farisi, jang sampe ngoni iko dorang pe kalakuang. Dorang kase tunju pa orang, dorang itu jaga iko pa Tuhan Allah, tapi sebenarnya dorang munafik. Dorang orang Farisi pe hidup kase pengaru basar pa orang, itu sama deng ragi sadiki yang torang campur di adonan la adonan itu nae.

Lukas 5:2

Waktu itu, Yesus lia ada dua parau di pinggir talaga. Orang-orang yang bajala di parau itu so abis bajala. Dorang so turung dari parau kong ada sementara kase bersi dong pe jala.

Lukas 8:22

Satu kali, Yesus deng Dia pe murit-murit nae di parau. Dia bilang pa dorang, “Mari suda torang ka sana di sabla talaga.” Turus dorang ka sana.

Lukas 8:23

Waktu dorang sementara balayar, Yesus tidor. Kage-kage, angin kancang skali batiop kong dong pe parau ponong deng aer, sampe dorang so mo tenggelam.

Lukas 8:33

Turus setang-setang itu kaluar dari orang itu, kong maso di babi-babi. Abis itu, babi-babi itu lari kancang di pinggir jurang, turus samua balumpa ka bawa di talaga kong mati di situ.

Lukas 8:45

Yesus tanya, “Sapa yang sontong pa Kita?” Samua orang tara ada yang barani mangaku. Kong Petrus bilang pa Yesus, “Guru, ada banya skali orang yang baku-baku gepe deng Guru ini kong!”

Yohanes 1:40

Dari dua orang yang dengar Yohanes pe bicara kong langsung iko pa Yesus, ada satu orang yang pe nama Andreas. Andreas ini Simon Petrus pe sudara.

Yohanes 6:1

Satu kali bagini, Yesus nae di parau kong pigi di talaga Galilea pe sabla. Talaga Galilea itu pe nama laeng, talaga Tiberias.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.